ସାଂଘାତିକ ଅଭିଯୋଗ: ଅଟକ ଯୁବକଙ୍କୁ ନିର୍ଧୂମ ମାଡ଼

ମାଲକାନଗିରି(ଜିତେନ୍ଦ୍ର ବେଉରା): ଚୋରି ଅଭିଯୋଗରେ ଅଟକ ୨ ଯୁବକଙ୍କୁ ୩ ଦିନ କାଳ ନିର୍ଧୂମ ପିଟିଲା ପୁଲିସ୍‌।  ଗୁରୁତର ଅବସ୍ଥାରେ ଉଭୟଙ୍କୁ ହସପିଟାଲ୍ ରେ ଭର୍ତ୍ତି କରାଯାଇଛି । ଯୁବକଦ୍ୱୟ ଏନେଇ ଅଭିଯୋଗ କରିବା ପରେ ଘଟଣା ସାମନାକୁ ଆସିଛି। ଏପରି ସାଂଘାତିକ ଘଟଣା ମାଲକାନଗିରି ଜିଲ୍ଲା ମୋଟୁ ଥାନାରେ ହୋଇଥିବା ଅଭିଯୋଗ ହୋଇଛି।

ପୀଡ଼ିତ ଯୁବକ ବିନୋଦ ବିଶ୍ୱାସ ଓ ବିପ୍ଳବ ହାଲଦାରଙ୍କ ଅଭିଯୋଗ ଅନୁଯାୟୀ, କିଛି ଦିନ ତଳେ ଏମଭି-୮୯ ଗାଁରୁ ଜଣଙ୍କ ଘରୁ ସୁନାଗହଣା ଓ ନଗଦ ଟଙ୍କା ଚୋରି ଘଟଣାରେ ଗାଁରେ ଖାପ୍ ପଞ୍ଚାୟତ ବସି ସେମାନଙ୍କୁ ପ୍ରବଳ ମାଡ଼ ମରାଯାଇଥିଲା । ଏହାପରେ ଥାନାରେ ଅଭିଯୋଗ ପରେ ପୋଲିସ୍ ସେମାନଙ୍କୁ ଉଠାଇ ଆଣି ତିନି ଦିନ କାଳ ନିସ୍ତୁକ ପିଟିଥିଲା ।

ପୋଲିସ୍ କିନ୍ତୁ ଅଭିଯୋଗକୁ ଅସ୍ୱୀକାର କରିଛି । ମାଲକାନିଗିରି ଏସ୍‌ପି କହିଛନ୍ତି ପୋଲିସ୍ ହେପାଜତରେ ଯୁବକଙ୍କୁ ମାଡ଼ ମରାଯାଇ ନାହିଁ। ଗାଁ ଲୋକେ ଉଭୟଙ୍କୁ ମାଡ଼ ମାରି ପୁଲିସ୍ ଜିମା ଦେଇଥିଲେ । ଏନେଇ ତଦନ୍ତ ଚାଲିଥିବା ଏସ୍‌ପି କହିଛନ୍ତି ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।