କେନ୍ଦ୍ରାପଡ଼ା(ଓଡ଼ିଶା ରିପୋର୍ଟର): ପ୍ରେମ, ପ୍ରତାରଣା ପରେ ଶେଷରେ ପୁଲିସର ହସ୍ତକ୍ଷେପ ପରେ ବାହାଘର। ଅଭିଯୋଗ ଅନୁଯାୟୀ, ନିଜ ପ୍ରେମିକାକୁ ଧୋକା ଦେଇ ଅନ୍ୟତ୍ର ବାହା ହେବାକୁ ଉଦ୍ୟମ କରୁଥିଲେ କେନ୍ଦ୍ରାପଡାର ପୁଲିସ ଏଏସ୍ଆଇ ରଞ୍ଜନ କୁମାର ବେହେରା । ଖବରପାଇ ପ୍ରେମିକା କୁଜଙ୍ଗ ପୁଲିସ ନିକଟରେ ନ୍ୟାୟ ଦାବି କରିଥିଲେ। ପରେ ପୁଲିସର ହସ୍ତକ୍ଷେପ ପରେ ଉଭୟଙ୍କ ବାହାଘର ହୋଇଛି। ଜଗତସିଂହପୁର ଜିଲ୍ଲା କୁଜଙ୍ଗ ବଳରାମପୁର ଗାଁର ଜଣେ ଯୁବତୀଙ୍କୁ ମାର୍ଶାଘାଇ ବଟିରା ଗାଁର ରଞ୍ଜନ କୁମାର ବେହେରା ପ୍ରେମ କରୁଥିଲେ।
ମାତ୍ର ତାଙ୍କୁ ନ କହି ଅନ୍ୟତ୍ର ବିବାହ କରିବାକୁ ଉଦ୍ୟମ କରିବା ଜାଣି ପ୍ରେମିକା କୁଜଙ୍ଗ ଥାନାରେ ରଞ୍ଜନଙ୍କ ବିରୋଧରେ ଏତଲା ଦେଇଥିଲେ। ପୁଲିସ ପ୍ରାଥମିକ ତଦନ୍ତ ଆରମ୍ଭ କରିବା ସହ ଉଭୟଙ୍କୁ କାଉନସେଲିଂ କରିଥିଲେ। ପରେ ଉଭୟଙ୍କ ସମ୍ପର୍କୀୟ, ଆଡଭୋକେଟ୍, ସ୍ଥାନୀୟ ଭଦ୍ରଲୋକ ଏବଂ ପୁଲିସ ଉପସ୍ଥିତିରେ କୁଜଙ୍ଗ ଜଗନ୍ନାଥ ମନ୍ଦିରରେ ଉଭୟଙ୍କ ବିବାହ ସମ୍ପନ୍ନ ହୋଇଛି।
ନୋଟାରୀ ଏଗ୍ରିମେଂଟ କରିବା ସହ ମନ୍ଦିର କାର୍ଯ୍ୟାଳୟରେ ବିବାହ ହୋଇଥିଲା । ପରସ୍ପରକୁ ବରଣମାଳା ଦେଇ ଗୁରୁଜନଙ୍କ ଠାରୁ ଆଶୀର୍ବାଦ ନେଇଥିଲେ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
