ବନ୍ୟା ପାଣି ଘେରରେ ଫସିଛନ୍ତି ଗର୍ଭବତୀ

ନୀଳଗିରି(ବିଶ୍ୱମ୍ଭର ଦାସ): ଦୁଆର ମୁହଁରେ ଲହଡ଼ା ଭାଙ୍ଗୁଛି ସୁବର୍ଣ୍ଣରେଖା ବନ୍ୟାପାଣି। ବନ୍ୟାର ଏହି ପ୍ରଖର ସ୍ରୋତ ପାରି ହୋଇ ଘରୁ ଡାକ୍ତରଖାନାରେ ପହଞ୍ଚିବା ମୁସକିଲ। ହେଲେ ତେଣେ ଡାକ୍ତର ଆସନ୍ତା ୭ ତାରିଖ ସୁଦ୍ଧା ପିଲା ଜନ୍ମ ହେବା ନେଇ ସମୟ ଦେଇଛନ୍ତି। ଯାହାକୁ ନେଇ ବନ୍ୟା ପାଣି ଘେରରେ ଫସି ରହିଥିବା ଜଣେ ମହିଳା ଏବେ ଚିନ୍ତାରେ ଅଛନ୍ତି। ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ କୁହ୍ଲା ଗାଁରୁ ଏଭଳି ଚିତ୍ର ସାମ୍ନାକୁ ଆସିଛି। ବନ୍ୟା ପାଣି ଭିତରେ ଫସିଛନ୍ତି ଏହି ଗାଁର ରୁପା ମାଝି। ସେ ଏବେ ୯ ମାସର ଗର୍ଭବତୀ।

ଗାଁ ଚାରିପଟେ ବନ୍ୟା ଜଳ ସୁଅ କାଟି ଚାଲୁଥିବା ଯୋଗୁ ସେ ଡାକ୍ତରଖାନା ଆସିପାରୁନାହାନ୍ତି। କେତେବେଳେ କିଛି ବି ଘଟିପାରେ। ପ୍ରଶାସନ ପକ୍ଷରୁ ଏ ପର୍ଯ୍ୟନ୍ତ ତାଙ୍କୁ ଉଦ୍ଧାର କରିବା ନିମନ୍ତେ କୌଣସି ପଦକ୍ଷେପ ନିଆଯାଇନାହିଁ।

ପରିବାର ଲୋକଙ୍କ କହିବା କଥା ହଠାତ୍ ଗର୍ଭ ବେଦନା ହେଲେ ବୋହୂକୁ ଦେଶୀ ଡଙ୍ଗାରେ ଡାକ୍ତରଖାନାରେ ପହଞ୍ଚାଇବା ସମ୍ଭବ ନୁହେଁ। ତେଣୁ ଏନେଇ ସେମାନେ ଚିନ୍ତାରେ ଅଛନ୍ତି। ପ୍ରଶାସନ ସାହାଯ୍ୟ ସହଯୋଗ କରିଲେ ବୋହୂର ନିରାପଦ ପ୍ରସବ ହୋଇପାରିବ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।