ବ୍ରହ୍ମପୁର(ଓଡ଼ିଶା ରିପୋର୍ଟର):ନୂଆ ଟ୍ରାଫିକ୍ ନିୟମ ଲାଗୁ ପରେ ପୁଲିସ-ପବ୍ଲିକ୍ ଛକାପଞ୍ଝା। ସାଧାରଣ ଲୋକେ ଟ୍ରାଫିକ୍ ନିୟମ ଭାଙ୍ଗିଲେ ପୁଲିସ ସେମାନଙ୍କୁ ଫାଇନ କଷୁଥିବା ବେଳେ ପୁଲିସର ଆଇନ ଉଲ୍ଲଂଘନକୁ ବି ଆଙ୍ଗୁଳି ଉଠାଇବାକୁ ପଛାଉ ନାହାନ୍ତି ପବ୍ଲିକ୍। ଗଞ୍ଜାମ ଜିଲ୍ଲାରେ ଏଭଳି ଏକ ଘଟଣାର ମୋବାଇଲ ଭିଡିଓ ଏବେ ଭାଇରାଲ ହୋଇଛି।
ହୁମାରୁ ପାଲୁଲ ଅଭିମୁଖେ ଯାଉଥିବା ଏକ ପୁଲିସ ଗାଡ଼ିରୁ ପ୍ରଚୁର ପରିମାଣର କଳା ଧୂଆଁ ବାହାରୁଥିବାରୁ ଏହା ଲୋକଙ୍କ ନଜରରେ ପଡ଼ିଥିଲା । ପରେ ଜଣେ ବ୍ୟକ୍ତି ଉକ୍ତ ପୁଲିସ ଗାଡ଼ିର ପଲ୍ୟୁସନ୍ ସାର୍ଟିଫିକେଟ୍ ଦେଖାଇବାକୁ କହିଥିଲେ। ହେଲେ ପୁଲିସ ଭ୍ୟାନଟି ଦୃତଗତି ପଳାଇ ଯିବାରୁ ଦୁଇ ଜଣ ଯୁବକ ଗାଡ଼ିକୁ ପିଛା କରିବା ସହ ଘଟଣାର ଦୃଶ୍ୟ ମଧ୍ୟ ଉତ୍ତୋଳନ କରିଥିଲେ। ସୋଶାଲ ମିଡିଆରେ ଭାଇରାଲ ହୋଇଥିବା ଏହି ଭିଡିଓକୁ ନେଇ ଚର୍ଚ୍ଚା ଜୋର ଧରିଛି।