ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଯାଜପୁର(ଓଡିଶା ରିପୋର୍ଟର): “ମୁଁ ଚେୟାରରେ ବସିବାକୁ ଯାଉଥିଲା ବେଳେ ସେ ମତେ ମନାକଲେ। କହିଲେ ସେଠି ବସନା। ଖଟ ଉପରକୁ ଆସ। ମୁଁ ତାଙ୍କ ପାଖକୁ ଗଲି। ଅପ୍ରସ୍ତୁତ ଲାଗୁଥିଲେ ବି ଜଣେ ଭଲ ମଣିଷ ଭାବି ତାଙ୍କ ପାଖକୁ ଯାଇ ଖଟ ଉପରେ ବସିଲି। ସେତେବେଳକୁ ସେ ଶୋଇଥିଲେ। ଆଉ ମୁଁ ବସିବା ଦେଖି ଅତର୍କିତ ଭାବେ ଖଟ ଉପରୁ ଉଠି ମତେ ପଛପଟୁ କୁଣ୍ଢାଇ ଧରିଲେ ଆଉ ଗେଲ କରିବାକୁ ଲାଗିଲେ। ଆଉ ତା ପରେ...”</p> <p>ଏଭଳି ଚାଞ୍ଚଲ୍ୟକର ବୟାନ୍‌ ଦେଇଛନ୍ତି ବଜୁ ପକ୍କା ଘର ଆଶାୟୀ ଜଣେ ମହିଳା। ଯାଜପୁର ଜିଲା ଦଶରଥପୁର ବିଜେଡି କାର୍ଯ୍ୟାଳୟରେ ଜଣେ ଦଳୀୟ କର୍ମୀଙ୍କ ଏଭଳି ଆଚରଣ ସମ୍ପର୍କରେ ପୀଡିତା ଥାନାରେ ଅଭିଯୋଗ କରିଛନ୍ତି। ବିଜୁ ପକ୍କା ଘର ଦେବାକୁ କହି ଚାନ୍ଦ ଭାଇ(ପଡିତା କହିଥିବା ନା) ନାମକ ଉକ୍ତ ବ୍ୟକ୍ତି ପୀଡିତାଙ୍କୁ ବିଜେଡି ପାର୍ଟି ଅଫିସକୁ ଡକାଇଥିଲେ। କହିଥିଲେ ସ୍ୱାମୀ ପରିତ୍ୟକ୍ତା ସ୍କିମ୍‌ରେ ତାଙ୍କ ନାଁ କୁଆଡେ ଚୟନ ହୋଇଛି। ରାତିରେ ଆସି ଦେଖା ନ କଲେ ଏହି ସ୍କିମ୍‌ ଫେରିଯିବ ଓ ସେ ଘର ଖଣ୍ଡିଏ ପାଇ ପାରିବେ ନାହିଁ। ଏଭଳି ପରିସ୍ଥିତିରେ ମହିଳା ଜଣକ ଘର ଖଣ୍ଡକ ଅଶାରେ ଉକ୍ତ ବିଜେଡି ନେତାଙ୍କ ପାଖକୁ ଯାଇଥିଲେ। ହେଲେ ଫଳ ହେଲା ଓଲଟା।</p> <p>“ମା’କୁ ସମ୍ମାନ, ଗାଁକୁ କାମ” ନାରା ଦେଉଥିବା ବିଜେଡି ଦଳର ଜଣେ ନେତା କେଉଁସ୍ତରକୁ ପହଞ୍ଚିପାରନ୍ତି ତାହା ଆପଣ ଜାଣିପାରୁଥିବେ। ଏଭଳି ଲଜ୍ଜାଜନକ ଘଟଣା ଓ ମହିଳାଙ୍କ ଦୁଃଖଦାୟକ ବିବୃତିକୁ ଆମେ ଏଠାରେ ଉଲ୍ଲେଖ କରିବାକୁ ବାଧ୍ୟ ହେଉଛୁ, କାରଣ ହୁଏତ ଆଗକୁ କେହି ଯେଭଳି ଏମିତି ପ୍ରଲୋଭନର ଶିକାର ନ ହୁଅନ୍ତି।</p> <p>ପୀଡିତା ମଙ୍ଗଳପୁର ଥାନାରେ ସୋମବାର ଏ ନେଇ ଅଭିଯୋଗ କରିବା ପରେ ମାମଲା ରୁଜୁ କରି ପୀଡ଼ିତାଙ୍କ ବୟାନ ରେକର୍ଡ କରିଛି ପୋଲିସ। ତେବେ ଏ ନେଇ ପୋଲିସ କିମ୍ବା ବିଜେଡି ପକ୍ଷରୁ କୌଣସି ପ୍ରତିକ୍ରିୟା ମିଳିପାରି ନାହିଁ ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
