ରାଉରକେଲା: ସୁନ୍ଦରଗଡ଼ ଜିଲା ନୂଆଗାଁ ବ୍ଲକ୍ ପତରାପଲିରେ ଅଗ୍ନିକାଣ୍ଡ ଘଟି ଗୋଟିଏ ପରିବାରର ୩ ଜଣ ଶିଶୁ ଜୀବନ୍ତ ଦଗ୍ଧ ହୋଇଯାଇନ୍ତି। ଗାଁର ଏତୋ ଓରାମ୍ଙ୍କ ଦୁଇ ପୁଅ ଓ ଝିଅ ଘର ନିକଟ ଘୁଷୁରୀ ଗୁହାଳରେ ଖେଳୁଥିବା ବେଳେ ନିଆଁ ଲାଗିଯାଇଥିଲା। ଫଳରେ ସେମାନେ ଗୁହାଳରୁ ବାହାରି ନ ପାରି ଜୀବନ୍ତ ଦଗ୍ଧ ହୋଇଯାଇଥିଲେ। ମୃତକଙ୍କ ମଧ୍ୟରେ ୫ ବର୍ଷର ଓ ଅଢ଼େଇ ବର୍ଷର ଦୁଇ ପୁଅ ଏବଂ ଦେଢ଼ବର୍ଷର ଗୋଟିଏ ଝିଅ ଅଛି।
ଅଗ୍ନିକାଣ୍ଡର କାରଣ ଜଣାପଡ଼ି ନାହିଁ। ଗୁହାଳରେ ନିଆଁ ଲାଗିବା ସମୟରେ ମୃତ ଶିଶୁଙ୍କ ବାପା-ମା’ ଘରେ ନ ଥିବା ଜଣାପଡ଼ିଛି।
ବିଶ୍ରା ପୋଲିସ୍ ଘଟଣାସ୍ଥଳରେ ପହଁଞ୍ଚି ତଦନ୍ତ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।