ମୋବାଇଲ୍‌ରେ ଖେଳୁଛି ରେଭ୍‌ ପାର୍ଟିରେ ଦୁଷ୍ଟାମୀ, ରଙ୍ଗିଲା ରାତିର ଗୁମର ଖୋଜୁଛି ପୋଲିସ

<p>ଭୁବନେଶ୍ୱର: ସେଇ ନଟି ନାଇଟ୍&zwnj; ଏବେ ପୋଲିସ୍&zwnj; ପାଇଁ ସୃଷ୍ଟି କରିଛି ଚ୍ୟାଲେଞ୍ଜ । ପୁରୀ ପୋଲିସ୍&zwnj; ଆରମ୍ଭ କରିଛି ଖୋଲତାଡ୍&zwnj; । ମେରାଇନ୍&zwnj; ରୋଡ୍&zwnj;ରେ ଥିବା ଏକ ହୋଟେଲରେ ଚାଲିଥିବା ଅଧାଲଙ୍ଗଳା ନାଚଗୀତର ଭିଡିଓ ଭାଇରାଲ ହେବା ପରେ ପୋଲିସ୍&zwnj; ତଦନ୍ତ ଆରମ୍ଭ ହୋଇଛି । ଭାଇରାଲ ଭିଡିଓ ଓ ସମ୍ପୃକ୍ତ ହୋଟେଲର ସିସିଟିଭି ଯାଞ୍ଚ କରି ତଥାକଥିତ ରେଭ୍&zwnj; ପାର୍ଟିର ସତ୍ୟତା ପରଖିବାକୁ ଉଦ୍ୟମ ଆରମ୍ଭ ହୋଇଛି ।</p> <p>ଅଡୁଆର ପୁରୀ-କୋଣାର୍କ ମେରାଇନ ଡ୍ରାଇଭର ଏହି ହୋଟେଲ । ଗତ&nbsp; ୧୫ ତାରିଖ &nbsp;ବିଳମ୍ବିତ ରାତି ପର୍ଯ୍ୟନ୍ତ ଏଠି ଚାଲିଥିଲା ନଟି ପାର୍ଟି । ସୁନ୍ଦରୀ ଯୁବତୀଙ୍କ ଫୁଙ୍ଗୁଳା ଦେହକୁ ଦେଖି ଭରପୁର ମଜା ଉଠାଉଥିଲେ ଦର୍ଶକ। କଥା ପୋଲିସ କାନରେ ପଡିବା ପରେ ହୋଇଥିଲା ଚଢାଉ । ୧୦ ଜଣ ଯୁବତୀଙ୍କ ସହ ୧୫ ଯୁବକଙ୍କୁ ଧରି ଆଣିଥିଲା ପୋଲିସ ।</p> <p>ପଚରାଉଚରା କରି ସେମାନଙ୍କୁ ଛାଡି ଦିଆଯାଇଥିଲା । ଏବେ ଏଭଳି ଏକ ଘଟଣାକୁ ନେଇ ଭିଡିଓ ଭାଇରାଲ ହୋଇଛି। ତେବେ ଭାଇରାଲ ହୋଇଥିବା ଏହି ଭିଡିଓ, ସେହି ଦିନ ରେଭ୍ ପାର୍ଟିର ନା ଆଉ କେଉଁ ଅଞ୍ଚଳର ତାହା ସ୍ପଷ୍ଟ ହୋଇନାହିଁ । ହୋଟେଲର ସିସିଟିଭି ମାଗି ତଦନ୍ତ ଆରମ୍ଭ କରିଛି ପୋଲିସ । ଯଦି କିଛି ବ୍ୟତିକ୍ରମ ନଜରକୁ ଆସେ ତେବେ ନିୟମ ଅନୁଯାୟୀ କାର୍ଯ୍ୟନୁଷ୍ଠାନ ଗ୍ରହଣ କରାଯିବ ବୋଲି କହିଛି ପୁରୀ ପୋଲିସ।</p>