ଭୁବନେଶ୍ୱର(ଓଡ଼ିଶା ରିପୋର୍ଟର): ଅବସରପ୍ରାପ୍ତ ଓଡ଼ିଆ ସେନା ଅଧିକାରୀ ମେଜର ଜେନେରାଲ ବି.କେ. ମହାପାତ୍ରଙ୍କର ଆଜି ପରଲୋକ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ ୮୭ ବର୍ଷ ହୋଇଥିଲା। ଭୁବନେଶ୍ୱର ସ୍ଥିତ ଘରେ ତାଙ୍କର ହୃଦଘାତରେ ବିୟୋଗ ହୋଇଯାଇଛି।
ମେଜର ଜେନେରାଲ ବି.କେ. ମହାପାତ୍ର ହେଉଛନ୍ତି ଓଡ଼ିଶାର ପ୍ରଥମ ଜେନେରାଲ ଅଫିସର। ଟ୍ୟାଙ୍କ ମ୍ୟାନ ଭାରେ ସେ ପରିଚିତ ଥିଲେ। ମେଜର ଜେନେରାଲ ବସନ୍ତ କୁମାର ମହାପାତ୍ର ୧୯୬୧ରେ ଗୋଆ ଅପରେସନରେ ସାମିଲ ହୋଇଥିଲେ। ଏଥି ସହ ୧୯୬୫ ଓ ୧୯୭୧ ଯୁଦ୍ଧରେ ମଧ୍ୟ ଅଂଶଗ୍ରହଣ କରିଥିଲେ।
ମେଜର ଜେନେରାଲ ବି.କେ. ମହାପାତ୍ରଙ୍କର ଜନ୍ମ ୧୯୩୪ ଜାନୁଆରୀ ୧୬ରେ ହୋଇଥିଲା। ସେ ୧୯୫୪ ମସିହାରେ କମିଶନଡ୍ ଅଧିକାରୀ ଭାବେ ଥାର୍ଡ କାଭାଲାରିରେ ଯୋଗ ଦେଇଥିଲେ। ସେନାର ବହୁତ ଗୁରୁତ୍ୱପୂର୍ଣ୍ଣ ପଦପଦବୀରେ ରହି ସେ ଅନେକ ଦାୟିତ୍ୱ ତୁଳାଇଛନ୍ତି। ଏଥିପାଇଁ ତାଙ୍କୁ ଅତି ବିଶିଷ୍ଟ ସେବା ମେଡାଲ ସମ୍ମାନରେ ସମ୍ମାନିତ କରାଯାଇଥିଲା।