ସହରାଞ୍ଚଳ ବିକାଶ ଲକ୍ଷ୍ୟରେ ବିଧାନସଭାରେ ବିଲ୍ ପାରିତ

ଭୁବନେଶ୍ୱର: ସଠିକ୍ ଯୋଜନା ଅନୁସାରେ ସହରାଞ୍ଚଳର ବିକାଶ ଲକ୍ଷ୍ୟରେ ବିଧାନସଭାରେ ପାରିତ ହୋଇଛି ଓଡିଶା ଉନ୍ନୟନ କର୍ତ୍ତୃପକ୍ଷ ସଂଶୋଧନ ବିଲ୍। ଏହି ବିଲ୍ ଅନୁସାରେ ରାଜ୍ୟ ସରକାର ଦୁଇ ବା ତତୋଧିକ କର୍ତ୍ତୃପକ୍ଷଙ୍କୁ ମିଶାଇ ଗୋଟିଏ କର୍ତ୍ତୃପକ୍ଷ ଗଠନ କରିପାରିବେ। ସେହିପରି ସହର ସମେତ ଏହାର ପାରିପାର୍ଶ୍ୱିକ ଅଞ୍ଚଳରେ ନୂଆ ସହର ସୃଷ୍ଟି କରିବା ଓ ଭିତ୍ତିଭୂମି ସୁଦୃଢ଼ କରିବା ଦିଗରେ ଏହା ସହାୟକ ହେବ। ସେହିପରି ବିଲଡର ଓ ରିୟଲ୍ ଇଷ୍ଟେଟ କମ୍ପାନୀମାନେ ପ୍ଲଟ୍ ବିକ୍ରି କରିବା ପୂର୍ବରୁ ସେଠାରେ ଡ୍ରେନେଜ, ସ୍ୱରେଜ, ରାସ୍ତାଘାଟ ବିକାଶ ପ୍ରତି ଧ୍ୟାନ ଦେବା ବାଧ୍ୟତାମୂଳକ କରାଯାଇଛି। ସେହିପରି ଉନ୍ନୟନ କର୍ତ୍ତୃପକ୍ଷଗୁଡିକ ଦ୍ୱାରା ବିଭିନ୍ନ ଉନ୍ନୟନ ଯୋଜନା ଓ ହାଉସିଂ ପ୍ରୋଜେକ୍ଟ ଅନୁମୋଦନ କ୍ଷେତ୍ରରେ ସହଜ ଓ ସୁବିଧା କରିବା ଲକ୍ଷ୍ୟରେ ସିଙ୍ଗଲ୍ ୱିଣ୍ତୋ ସିଷ୍ଟମ କାର୍ଯ୍ୟକାରୀ କରିବା ନେଇ ଏହି ବିଲରେ ବ୍ୟବସ୍ଥା ରହିଛି। ଗତକାଲି ଏହି ବିଲ୍ ଗୃହରେ ପାରିତ ହେବା ବେଳେ ବିରୋଧୀ ଦଳ ନେତା ସମେତ କଂଗ୍ରେସ ସଦସ୍ୟ ମାନେ ଗୃହରେ ଅନୁପସ୍ଥିତ ଥିଲେ।