ସମ୍ବଲପୁର: ମହାନଦୀ ଓ ହୀରାକୁଦ ବନ୍ଧର ସୁରକ୍ଷା ଦାବିରେ ଆଜି ସମ୍ବଲପୁର ଜିଲ୍ଲାରେ ପଶ୍ଚିମ ଓଡ଼ିଶା କୃଷକ ସଂଗଠନ ସମିତି ପକ୍ଷରୁ ବିଶାଳ ଚାଷୀ ସମାବେଶର ଆୟୋଜନ କରାଯାଇଛି। ହୀରାକୁଦ ଡ୍ୟାମ ନିକଟ ଜମାଦାରପଲ୍ଲୀରେ ‘ସଙ୍କଳ୍ପ ଚେତାବନୀ’ ନାମରେ ହେବାକୁ ଥିବା ଏହି ସମାବେଶରେ ଓଡ଼ିଶା ଓ ଛତିଶଗଡ଼ର ହଜାର ହଜାର ଚାଷୀ ଯୋଗ ଦେବାର କାର୍ଯ୍ୟକ୍ରମ ରହିଛି।
ମହାନଦୀ ଜଳ ପ୍ରସଙ୍ଗରେ ସରକାରଙ୍କ ତରଫରୁ ଶ୍ୱେତପତ୍ର ପ୍ରକାଶ, ମହାନଦୀର ଉପନଦୀରେ ନଦୀବନ୍ଧ ଯୋଜନା ବାତିଲ, ମହାନଦୀ-ଗୋଦାବରୀର ସଂଯୋଗୀକରଣ ଯୋଜନାକୁ ବନ୍ଦ କରିବା, ନଦୀ ଜଳକୁ ଶିଳ୍ପାନୁଷ୍ଠାନକୁ ନ ଦେବା ଆଦି ୧୦ ଦଫା ଦାବି ନେଇ ଏହି ସମାବେଶ କରାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।