ସରକାରୀ ଜମି ହାତେଇବା ମାମଲା: ଭିଜିଲାନ୍ସ ଇନ୍ସପେକ୍ଟର ନିଲମ୍ବିତ

ସମ୍ବଲପୁର: ଚଞ୍ଚକତା କରି ସରକାରୀ ଜମି ହାତେଇବା ଅଭିଯୋଗରେ ବ୍ରହ୍ମୁପୁର ଭିଜିଲାନ୍ସ ଡିଭିଜନରେ ଇନ୍ସପେକ୍ଟର ଭାବେ ଚାକିରି କରୁଥିବା ପ୍ରବୀର କୁମାର ତ୍ରିପାଠୀଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଚାକିରିରୁ ନିଲମ୍ବିତ କରିଛନ୍ତି। ସମ୍ବଲପୁର ଭିଜିଲାନ୍ସ ଡିଭିଜନରେ ଚାକିରି କରୁଥିବା ସମୟରେ ଶ୍ରୀ ତ୍ରିପାଠୀ ଗୃହହୀନ ଓ ନିମ୍ନ ଆୟ ବର୍ଗର ଦର୍ଶାଇ ନିଜ ପତ୍ନୀ,ଭାଇ, ଶାଳକ ଓ ଶ୍ୱଶୁରଙ୍କ ନାଁରେ ୧୦ ଡିସିମଲ ହିସାବରେ ୪୦ ଡିସିମିଲର ମୂଲ୍ୟବାନ ଜମି ଲିଜ୍ ସୂତ୍ରରେ କରାଇ ନେଇଥିଲେ। ଏଥିରେ ସହଯୋଗ କରିଥିଲେ ତତ୍କାଳୀନ ତହସିଲଦାର ଜ୍ଞାନ ରଂଜନ ଭଞ୍ଜଦେଓ, ଉପ-ଜିଲ୍ଲାପାଳ ରଇନୁ ସିଂ ଓ ଅଜୟ ତିୱାରୀ। ସମସ୍ତ ଅଭିଯୁକ୍ତ ଓ ଏହି ବେଆଇନ କାମରେ ସହଯୋଗ କରିଥିବା ଅଭିଯୋଗରେ ସରକାରୀ ଅଧିକାରୀମାନଙ୍କ ବିରୁଦ୍ଧରେ ଭାରତୀୟ ପିଙ୍ଗଳ ସଂହିତା ଧାରା ୧୩(୨) ଓ ୧୩ (ଘ) ଅନୁସାର, ଫୌଜଦାରୀ ମାମଲା ରୁଜୁ କରିବାକୁ ନିର୍ଦ୍ଦେଶ ଦିଆଯାଇଛି। ଇତି ମଧ୍ୟରେ ସମସ୍ତ ସରକାରୀ ଜମି ପୁଣି ଥରେ ସରକାରୀ ଖାତାକୁ ଫେରିଯାଇଛି ବୋଲି ସମ୍ବଲପୁର ଅତିରିକ୍ତ ଜିଲ୍ଲାପାଳ ଜ୍ୟୋତି କୁମାର ଲାକ୍ରା କହିଛନ୍ତି।