କେନ୍ଦୁଝର (ପ୍ରଣୟ ପାଣି): ସର୍ଟ ସର୍କିଟରୁ ଜଳିଗଲା ସ୍କୁଲ ଭ୍ୟାନ୍। ତେବେ ଅଳ୍ପକେ ବର୍ତ୍ତିଲେ ଛାତ୍ରଛାତ୍ରୀ। କେନ୍ଦୁଝର ଜିଲ୍ଲା ଢେଙ୍କିକୋଟ-କରଞ୍ଜିଆ ରାସ୍ତାର ଧାନବେଣୀ ଛକ ନିକଟରେ ଆଜି ଘଟିଛି ଏ ଘଟଣା।
ଏକ ଟାଟା ମ୍ୟାଜିକ୍ ଗାଡ଼ିରେ ପାଟଣା ସରସ୍ୱତୀ ବିଦ୍ୟା ମନ୍ଦିରର ୧୧ ଜଣ ଛାତ୍ରଛାତ୍ରୀ ବଡ଼ବିଲ ଯାଉଥିବା ବେଳେ ଏଥିରେ ନିଆଁ ଲାଗି ଯାଇଥିଲା। ନିଆଁ ପୂରା ଗାଡ଼ିକୁ ନିଜ କବଳକୁ ନେବା ପୂର୍ବରୁ ଛାତ୍ରଛାତ୍ରୀ ଓ ଡ୍ରାଇଭର ଏଥିରୁ ଓହ୍ଲାଇ ଯାଇଥିଲେ।
ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
