ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଗତକାଲି ମୁକୁଳି ଥିଲେ। ହେଲେ ଆଜି ପୁଣି ପୋଲିସ ବାନ୍ଧିନେଲା। ବହୁଚର୍ଚ୍ଚିତ ସି-ସୋର ଚିଟଫଣ୍ଡ ମାମଲାରେ ପୁଣି ଗିରଫ ହୋଇଛନ୍ତି ସି-ସୋର ମୁଖ୍ୟ ପ୍ରଶାନ୍ତ ଦାସ। ଏକ ୱାରେଣ୍ଟ ବଳରେ ଢେଙ୍କାନାଳ ପୋଲିସ ତାଙ୍କୁ ଆଜି ଗିରଫ କରିଛି। ପ୍ରଶାନ୍ତଙ୍କୁ ଝାରପଡ଼ା ବାସଭବନରୁ ଗିରଫ କରିଛି ପୋଲିସ।</p> <p>ଗତକାଲି ଝାରପଡ଼ା ଜେଲରୁ ଚିଟଫଣ୍ଡ ଅଭିଯୁକ୍ତ ପ୍ରଶାନ୍ତ ମୁକୁଳିଥିଲେ। ତାଙ୍କ ବିରୋଧରେ ଥିବା ୮ଟି ମାମଲାରେ ହାଇକୋର୍ଟ ଓ ତଳକୋର୍ଟରୁ ବେଲ୍ ମିଳିବା ପରେ ସେ ମୁକୁଳି ଥିଲେ।</p> <p>ସୂଚନାଯୋଗ୍ୟ, ସି-ସୋର କମ୍ପାନୀ ମାଧ୍ୟମରେ ପ୍ରାୟ ୫୦୦ କୋଟିର ମହା ଠକେଇରେ ହଜାର ହଜାର ଜମାକାରୀଙ୍କ ବିଶ୍ୱାସରେ ବିଷ ଦେଇଥିଲେ ପ୍ରଶାନ୍ତ। ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ସି-ସୋର୍ ସମେତ ଓଡ଼ିଶାର ୪୪ଟି ଚିଟ୍‌ଫଣ୍ଡ କମ୍ପାନୀର ତଦନ୍ତ ଦାୟିତ୍ୱ ସିବିଆଇ ହାତକୁ ଯାଇଥିଲା।ସିବିଆଇ ସି-ସୋର୍ ବିରୋଧରେ ଦାୟର କରିଥିବା ଚାର୍ଜସିଟ୍‌ରେ ୪୮୭ କୋଟି ଟଙ୍କାର ଠକେଇ କଥା ଉଲ୍ଲେଖ କରିଥିଲା। ସେହିପରି ପ୍ରବର୍ତ୍ତନ ନିର୍ଦ୍ଦେଶାଳୟ ପ୍ରିଭେନସନ୍ ଅଫ୍ ମନିଂ ଲଣ୍ଡରିଂ ଆକ୍ଟ ବଳରେ ସି-ସୋର୍ କଂପାନୀର ୨୪୨ କୋଟି ଟଙ୍କାର ସଂପତ୍ତି ଆଟାଚ୍ କରିଥିଲା। ଇଡିର ଚାର୍ଜସିଟ୍ ଅନୁଯାୟୀ, ପ୍ରଶାନ୍ତ ଦାଶ ୨୧ଟି ସେଲ୍ କଂପାନୀ ଓ ୧୩ଟି କୋପରେଟିଭ୍ ସୋସାଇଟି ମାଧ୍ୟମରେ ଜମାକାରୀଙ୍କଠାରୁ କୋଟି କୋଟି ଟଙ୍କା ସଂଗ୍ରହ କରି ଠକିଥିଲେ।</p> <p>୨୦୧୩ ଜୁନ୍ ୨୦ରେ ପ୍ରଶାନ୍ତଙ୍କୁ ଗିରଫ କରାଯାଇଥିଲା।</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
