ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କଟକ (ଓଡ଼ିଶା ରିପୋର୍ଟର): କଟକ ସ୍ଥିତ ଓଡ଼ିଶା ପୋଲିସ ସିଗନାଲ୍ ମୁଖ୍ୟାଳୟ ନିକଟ ପମ୍ପିଂ ଷ୍ଟେସନ ପାଇପରେ ଫସିଥିବା ବ୍ୟକ୍ତିଙ୍କ ପରିଚୟ ମିଳିଛି। ବ୍ୟକ୍ତି ଜଣଙ୍କ ହେଲେ ସ୍ଥାନୀୟ ବାସିନ୍ଦା ପ୍ରାଣକୃଷ୍ଣ ମୁଦୁଲି। ପାଇପ୍‌ ମଧ୍ୟରେ ଫସିଥିବା ପ୍ରାଣକୃଷ୍ଣ ଏବେ କେଉଁ ଅବସ୍ଥାରେ ଅଛନ୍ତି ଜାଣିବାକୁ ଉଦ୍ଧାରକାରୀ ଦଳ ପକ୍ଷରୁ କିଛି ଫଟୋ ଉଠା ଯାଥିଲା। ଏଥିରୁ ଜଣାପଡୁଛି ତାଙ୍କ ଗୋଡ ପାଇପ୍‌ ମୁହଁ ଆଡ଼କୁ ଥିବା ବେଳେ ସେ ଅଧା ବସିବା ଅବସ୍ଥାରେ ରହିଛନ୍ତି। ପାଇପ ମଧ୍ୟକୁ ଅକ୍ସିଜେନ ଦିଆଯିବା ସହ ତାଙ୍କୁ ଗ୍ଲୁକୋଜ ପାଣି ପିଇବାକୁ ଦିଆଯାଇଛି।</p> <p>ଦମକଳ ବାହିନୀ ତାଙ୍କୁ ଉଦ୍ଧାର କରିବାକୁ ଚେଷ୍ଟା କରୁଛନ୍ତି।</p> <p><a href="">(image) </a>ଆଜି ସକାଳ ପ୍ରାୟ ସାଢ଼େ ଆଠଟା ସମୟରେ ଜଣେ ପ୍ରାଣକୃଷ୍ଣ ପାଇପ ଜାମ ହୋଇଥିବାରୁ ତାକୁ ସଫା କରିବାକୁ ଛୋଟ ଟାଙ୍କି ମଧ୍ୟକୁ ଯାଇଥିଲେ। ସେଠାରେ ଲାଗିଥିବା ଅଳିଆ ଆବର୍ଜନା କାଢ଼ିବା ପରେ ସେହି ସମୟରେ ଅସାବଧାନତା ବଶତଃ ପମ୍ପିଂ ଷ୍ଟେସନରେ କର୍ମଚାରୀ ପମ୍ପ୍ ଚାଲୁ କରିଦେବା ଫଳରେ ପ୍ରାଣକୃଷ୍ଣ ପାଣି ପ୍ରେସରେ ପାଇପରେ ୨୦-୨୫ ଫୁଟ୍ ଭିତରକୁ ପଶି ଯାଇଥିଲେ। ପାଇପରେ ଓସାର ପ୍ରାୟ ଅଢ଼େଇ ଫୁଟ୍ ହୋଇଥିବାରୁ ବ୍ୟକ୍ତି ଜଣକ ଆଉ ବାହାରି ପାରୁନାହାନ୍ତି।</p> <p>ପାଇପ୍‌ ମଧ୍ୟରେ ଫସିଥିବା ପ୍ରାଣକୃଷ୍ଣ କେମିତି ଅବସ୍ଥାରେ ଅଛନ୍ତି, ଦେଖନ୍ତୁ ଏହି ଫଟୋରେ।</p> <p>https://youtu.be/ewba54ku_Hk</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
