ପାଗଳ ମାନସିକତା: ବଣୁଆ ହାତୀକୁ ଆଖୁ ଖୁଆଇ ନେଲେ ସେଲ୍‌ଫି

<p>ଆଠଗଡ଼(ଓଡ଼ିଶା ରିପୋର୍ଟର): ହାତୀ ସହ ସେଲ୍&zwnj;ଫି। ଏହା ବିପଦଜନକ ଜାଣି ମଧ୍ୟ ଆଜିର ଯୁବପିଢ଼ି ସେଲଫି ନେବାକୁ ପଛାଉ ନାହାନ୍ତି। କଟକ ଜିଲ୍ଲା ଆଠଗଡ଼ ଖୁଣ୍ଟୁଣି ରେଞ୍ଜ ବଉଳ ନିକଟରେ ଏଭଳି ଦୃଶ୍ୟ ଦେଖିବାକୁ ମିଳିଛି।</p> <p>ଜଙ୍ଗଲରୁ ଚାଲିଆସିଥିବା ଗୋଟିଏ ଦନ୍ତା ହାତୀକୁ କିଛି ଯୁବକ ଆଖୁ ଖାଇବାକୁ ଦେଉଛନ୍ତି। ହାତୀଟି ଆଖୁ ଖାଇବା ସମୟରେ ଯୁବକମାନେ ତା&rsquo; ସାମ୍ନାରେ ଠିଆ ହୋଇ ସେଲଫି ନେଉଛନ୍ତି। ହାତୀଟି ଲୋକଙ୍କ ଭିଡ଼ ଦେଖି ବିଚଳିତ ହୋଇଯାଉଛି। ସେଲଫି ନେଉଥିବା ଯୁବକମାନଙ୍କୁ ଗୋଡ଼ାଉଛି। ହାତୀ ଆକ୍ରମଣ ଭୟରେ ଯୁବକମାନେ ଜୀବନ ବିକଳରେ ଦୌଡ଼ି ପଳାଇ ଯାଉଛନ୍ତି। ଏହି ସମୟରେ କୌଣସି ବନ କର୍ମଚାରୀ ଉପସ୍ଥିତ ନଥିବା ଦେଖିବାକୁ ମିଳିଛି।</p> <p>କିଛି ଦିନ ତଳେ ସୁନ୍ଦରଗଡ଼ ଜିଲ୍ଲାରେ ହାତୀ ସହିତ ସେଲ୍&zwnj;ଫି ନେଉଥିବା ବେଳେ ଘଟିଥିଲା ଏକ ଅଘଟଣ। ସେଲ୍&zwnj;ଫି ନେଉଥିବା ଯୁବକକୁ ହାତୀ ଶୁଣ୍ଢରେ ଟାଣି ନେଇ କଚାଡ଼ି ଦେଇଥିଲା। ଘଟଣାସ୍ଥଳରେ ଯୁବକର ମୃତ୍ୟୁ ଘଟିଥିଲା। ଏହାକୁ ନେଇ ଉତ୍ତେଜନା ପ୍ରକାଶ ପାଇଥିଲା। ଏଥିପାଇଁ ବନ ବିଭାଗକୁ ମଧ୍ୟ ଦାୟି କରାଯାଇଥିଲା।</p>