୭୦ ବର୍ଷରେ ବୁଢୀକୁ ପାଉଡର ଦେବା ଯାହା, ମତେ ପଦ୍ମଶ୍ରୀ ମିଳିବା ତାହା

<p>ନୂଆଦିଲ୍ଲୀ(ଓଡିଶା ରିପୋର୍ଟର): ଚଳଚ୍ଚିତ୍ର ନିର୍ଦ୍ଦେଶକ ଶିଶିର ମିଶ୍ର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପରେ ବର୍ଷିଛନ୍ତି। ତାହା ପୁଣି ଖୋଦ୍&zwnj; ମୁଖ୍ୟମନ୍ତ୍ରୀଙ୍କ ପ୍ରାୟୋଜିତ କାର୍ଯ୍ୟକ୍ରମରେ। ଯାହା କହିଛନ୍ତି ଶୁଣିଲେ ଆପଣଙ୍କ ଅକଲ ଗୁଡୁମ୍&zwnj; ହୋଇଯିବ।</p> <p>ସମସ୍ତେ ଜାଣନ୍ତି ଯେ, ମିଶ୍ରଙ୍କୁ ଏଥର ପଦ୍ମଶ୍ରୀ ମିଳିବ। ଦେଶର ଏହି ଗୌରବଜ୍ୱଳ ସମ୍ମାନ ପାଇଁ ହକ୍&zwnj;ଦାର ହୋଇଥିବା ଶ୍ରୀଯୁକ୍ତ ମିଶ୍ର କିନ୍ତୁ ଏଥିରେ ଆଦୌ ଖୁସି ଥିବା ପରି ଲାଗୁନି। ଦିଲ୍ଲୀରେ ଆୟୋଜିତ &ldquo;Tall Man Biju Pattnaik&rdquo; ପୁସ୍ତକ ଲୋକାର୍ପଣ ବେଳେ ମୁଖ୍ୟମନ୍ତ୍ରୀଙ୍କ ଉପରେ ସେ ଖାଲି ବିଗିଡି ନାହାନ୍ତି ଅଖାଡୁଆ ଢଙ୍ଗରେ କ୍ଷୋଭ ପ୍ରକାଶ ବି କରିଛନ୍ତି। କ&rsquo;ଣ କହିଛନ୍ତି ପଢନ୍ତୁ।</p> <p>&ldquo;ନବୀନ ବାବୁ କୌଣସି ଓଡ଼ିଆ ଲୋକଙ୍କୁ ଚିହ୍ନନ୍ତି ନାହିଁ। ମତେ କ&rsquo;ଣ ଚିହ୍ନିବେ। ସେଇଥିପାଇଁ ବୋଧେ ମୋ ନାଁ ସୁପାରିସ୍&zwnj; ହେଲାନି। ଯୋଉ ବୟସରେ ମୋତେ ପଦ୍ମବିଭୂଷଣ ମିଳିବା କଥା ସେ ବୟସରେ ମିଳୁଛି ପଦ୍ମଶ୍ରୀ। ୭୦ ବର୍ଷ ବୟସରେ ବୁଢୀ ମୁହଁରେ ପାଉଡର ମାଖିବା ଯାହା ମତେ ପଦ୍ମଶ୍ରୀ ମିଳିବା ସେଇଆ।&rdquo;</p> <p>ପଢିଲେ ତ, କି ସାଙ୍ଘାତିକ ଅଭିଯୋଗ। ଜଣେ ବର୍ଷିଆନ ସିନେ ନିର୍ଦ୍ଦେଶକଙ୍କୁ ଏମିତି କ&rsquo;ଣ ବାଧିଲା ଯେ, ସେ ନିଜ ପୁରସ୍କାରକୁ ପାଉଡ଼ର ସହ ତୁଳନା କଲେ। ଆପଣ ଭାବୁଥିବେ ବାସ୍ତବରେ କଥାଟା କ&rsquo;ଣ କି !</p> <p>ଅବଶ୍ୟ କଥାଟି ବାଧିଲା ଭଳିଆ। ସେ ଜଣେ ସୁଯୋଗ୍ୟ ଓଡିଆ ପୁଅ । ହେଲେ ତାଙ୍କ ପଦ୍ମ ପୁରସ୍କାର ପାଇଁ ସୁପାରିସ୍&zwnj; କରିଛି ମହାରାଷ୍ଟ୍ର। କି ଲଜ୍ଜାଦାୟକ କଥା ଆପଣ ଜାଣିପାରୁଥିବେ । ଏଣୁ ଜଣେ ଓଡ଼ିଆ ପୁଅ ଏମିତି ଢଙ୍ଗରେ କ୍ଷୋଭ ପ୍ରକାଶ କରିବା ସତରେ କେଡେ ଦୁଃଖଦାୟକ ଭାବନ୍ତୁ ତ।</p>