ବେଙ୍ଗଳୁରୁ:ସୋସିଆଲ ମିଡିଆରେ ଅଶ୍ଲୀଳ ଭିଡିଓ ପୋଷ୍ଟ କରିବା ଅଭିଯୋଗରେ ଓଡ଼ିଆ ଯୁବକ ଗିରଫ

ବେଙ୍ଗଳୁରୁ:ସୋସିଆଲ ମିଡିଆରେ ଅଶ୍ଲୀଳ ଭିଡିଓ ପୋଷ୍ଟ କରିବା ଅଭିଯୋଗରେ ବେଙ୍ଗଳୁରୁରୁ ପୁଣି ଜଣେ ଓଡ଼ିଆ ଯୁବକ ସିବିଆଇ ଦ୍ବାରା ଗିରଫ ହୋଇଛନ୍ତି। ଗିରଫ ଯୁବକଙ୍କ ନାଁ କୌଶିକ କୁଅଁର। ସିବିଆଇ ତାଙ୍କ ନିକଟରୁ ପ୍ରାୟ ୪୦୦ ଅଶ୍ଳୀଳ ଭିଡିଓ, ଗୁପ୍ତ କ୍ୟାମେରା ଏବଂ କମ୍ପ୍ୟୁଟର ଜବତ କରିଛି। ସିବିଆଇ ସୂତ୍ରରୁ ମିଳିଥିବା ଖବର ଅନୁଯାୟୀ କୌଶିକର ଏହି କଳା କାରନାମା ନେଇ ପ୍ରଜ୍ୱାଳା ନାମକ ଏକ ସ୍ୱେଛାସେବୀ ସଙ୍ଗଠନ ସୁପ୍ରିମକୋର୍ଟ ପ୍ରଧାନ ବିଚାରପତିଙ୍କ ଦୃଷ୍ଟି ଆକର୍ଷଣ କରିଥିଲା। ସୁପ୍ରିମକୋର୍ଟଙ୍କ ଏକ ଖଣ୍ଡପୀଠ ମାମଲାର ଶୁଣାଣୀ କରି ସିବିଆଇ ତଦନ୍ତ ନିଦ୍ଦେର୍ଶ ଦେଇଥିଲେ। ସିବିଆଇ ଗତ କିଛି ଦିନ ଧରି ଘଟଣାର ଖୋଳତାଡ଼ କରିବା ସହ କୌଶିକକୁ ଖୋଜାଖୋଜି କରୁଥିଲା। ଗତକାଲି ବିଳମ୍ୱିତ ରାତିରେ ବାଙ୍ଗ।ଲୋରର ଏକ ଭଡ଼ା ଘରୁ ତାକୁ ଗିରଫ କରାଯାଇଛି। କୌଶିକ ଗତ ଦୁଇ ବର୍ଷ ହେଲା ବେଙ୍ଗ।ଳୁରୁରେ ରହି ଡ୍ରାଇଭର ଭାବେ କାମ କରୁଥିଲା।