ସୋର (ଶଶିକାନ୍ତ ବେହେରା): ଗତକାଲି ବିଳମ୍ୱିତ ରାତିରେ ବାଲେଶ୍ୱର ଜିଲ୍ଲା ସୋର ପୁଲିସ୍ ଦୁଇ ଜଣ ହାଇୱେ ଲୁଟେରାକୁ ଗିରଫ କରିଛି। ସେମାନେ ହେଲେ ଖନ୍ତପଡ଼ା ଥାନା ଅନ୍ତର୍ଗତ ଇଞ୍ଚୁଡ଼ି ଗାଁର ନିରଞ୍ଜନ ଦାସ ଓ ସୋର ଥାନା ଅନ୍ତର୍ଗତ ମୁଳିସିଂ ଗାଁର ନବୀନ ଦାସ। ଏଥିସହ ଏକ ଇଣ୍ଡିକା କାର୍କୁ ପୁଲିସ୍ ଜବତ କରିଛି।
ସୂଚନା ଅନୁସାରେ, ଏହି ଦୁଇ ଲୁଟେରା ଭଦ୍ରକରୁ ବାଲେଶ୍ୱର ଯାଉଥିବା ବେଳେ ତାରିଣୀ ଛକ ଚପରପଦା ପୋଲ ନିକଟରେ ତାଙ୍କ ଗାଡ଼ି ଦୁର୍ଘଟଣାଗ୍ରସ୍ତ ହୋଇଥିଲା। ଏହାପରେ ସେମାନେ ରାସ୍ତାରେ ଚାଲି ଚାଲି ଯାଉଥିବା ବେଳେ ସୋର ଥାନାର ପେଟ୍ରୋଲିଂ ଗାଡ଼ି ସେମାନଙ୍କୁ ଧରିଥିଲା।
ସେମାନଙ୍କ ଠାରୁ ମାରଣାସ୍ତ୍ର ସହ ରଡ୍ ଏବଂ ମଦ ପୁଲିସ୍ ଜବତ କରିଛି।