ନବୀନଙ୍କ ବିଜେପୁର ପ୍ରଚାର କାହା ଖର୍ଚ୍ଚରେ ?

<p>ଭୁବନେଶ୍ୱର(ଓଡିଶା ରିପୋର୍ଟର): ହାଇଭୋଲ୍ଟେଜ୍ କ୍ୟାମ୍ପେନ୍&zwnj;ରେ କମ୍ପୁଛି ବିଜେପୁର। ତିଆରି ଚାଲିଛି ଷ୍ଟ୍ରାଟେଜୀ, ଏଣେ ମୁଖ୍ୟମନ୍ତ୍ରୀଙ୍କ ଗସ୍ତ ଖର୍ଚ୍ଚ ସମ୍ପର୍କରେ ମହାରଥୀଙ୍କ ମନ୍ତବ୍ୟକୁ ନେଇ ଉଠିଲାଣି ଝଡ଼। ଯାହାକୁ ନେଇ ସାଧାରଣେ ପ୍ରଶ୍ନବାଚୀ ସୃଷ୍ଟି ହୋଇଛି ଯେ, ନବୀନଙ୍କ ବିଜେପୁର ପ୍ରଚାର କାହା ଖର୍ଚ୍ଚରେ ହେଉଛି?</p> <p>&ldquo;ଅଯଥା ରାଜକୋଷରୁ ଅର୍ଥ ଖର୍ଚ୍ଚ ହେବ। ତେଣୁ ଦୁଇଦିନିଆ ବିଜେପୁର ଗସ୍ତ ସମୟରେ ମୁଖ୍ୟମନ୍ତ୍ରୀ ସେଠାରେ ରାତ୍ରିଯାପନ କରିବେ।&rdquo; କୃଷିମନ୍ତ୍ରୀ ପ୍ରଦୀପ ମହାରଥୀଙ୍କ ଏହି ମନ୍ତବ୍ୟ ଏବେ ବିଜେଡି ରାଜନୀତିରେ କେଁ ସୃଷ୍ଟି କରିଛି।</p> <p>ଉପନିର୍ବାଚନ କ୍ୟାଂପେନ୍ ପାଇଁ ନବୀନ ପଟ୍ଟନାୟକ ବିଜେପୁର ଯିବା ପୂର୍ବରୁ ଏଭଳି ମତ ରଖି ଅଡୁଆରେ ପଡିଛନ୍ତି ମହାରଥୀ। ମହାରଥୀଙ୍କ &lsquo;ରାଜକୋଷ&rsquo; ଶବ୍ଦ ଅଡୁଆ ସୃଷ୍ଟି କରିଛି। ଭୁବନେଶ୍ୱରରୁ ବିଜେପୁର ଦୂର ରାସ୍ତା ହୋଇଥିବାରୁ ଅଯଥା ଖର୍ଚ୍ଚ ରୋକିବାକୁ ଏଭଳି ପଦକ୍ଷେପ ନିଆଯାଇଥିବା ମହାରଥୀ କହିଛନ୍ତି । ମହାରଥୀଙ୍କ ଏହି ମନ୍ତବ୍ୟ ପରେ ମୁଖ୍ୟମନ୍ତ୍ରୀଙ୍କ ପ୍ରଚାର ଖର୍ଚ୍ଚକୁ ନେଇ ଚର୍ଚ୍ଚା ଆରମ୍ଭ ହୋଇଛି । ମୁଖ୍ୟମନ୍ତ୍ରୀଙ୍କ ଗସ୍ତ ଖର୍ଚ୍ଚ ଦଳରୁ ନା ରାଜକୋଷରୁ ଯାଏ, ତାକୁ ନେଇ ଭିନ୍ନ ଭିନ୍ନ ଚର୍ଚ୍ଚା ହୋଇଛି । ତେବେ ମହାରଥୀଙ୍କ ଏଭଳି ମନ୍ତବ୍ୟ ଉପରେ ପ୍ରତିକ୍ରିୟା ରଖି ବିଜେଡି ମୁଖପାତ୍ର ପ୍ରତାପ ଦେବ କହିଛନ୍ତି ମହାରଥୀ ରାଜକୋଷ ଶଦ୍ଦ ଯେଉଁ ବ୍ୟବହାର କରିଛନ୍ତି ତାହା ଭୁଲ୍ । ପ୍ରଚାର ଖର୍ଚ୍ଚ ଦଳରୁ ହିଁ ଦିଆଯାଇଥାଏ।</p>