କଲେଜ ପାଲଟିଲା ରଣକ୍ଷେତ୍ର: କାହିଁକି ଏମିତି ତାତିଲେ ଛାତ୍ରଛାତ୍ରୀ, ଦେଖନ୍ତୁ ଭିଡିଓ

<p>ବୌଦ୍ଧ:(ଓଡ଼ିଶା ରିପୋର୍ଟର): ବୌଦ୍ଧ ଜିଲ୍ଲା ବାଉଁଶୁଣିର ସଂସ୍କାର ଜୁନିଅର କଲେଜରେ ଲଙ୍କାକାଣ୍ଡ । &nbsp;କଲେଜ ପରିସରରେ ବ୍ୟାପକ ଭଙ୍ଗାରୁଜା କରିଛନ୍ତି ଉତ୍ୟକ୍ତ ଛାତ୍ରଛାତ୍ରୀ । ଆସବାବ ପତ୍ର ଭାଙ୍ଗିବା ସହିତ କାଗଜପତ୍ର ଚିରି ଦେଇଛନ୍ତି ପିଲାମାନେ।&nbsp; ଯୁକ୍ତ ଦୁଇ ପରୀକ୍ଷାରୁ ବଞ୍ଚିତ ହେବା ପରେ ଛାତ୍ରଛାତ୍ରୀମାନେ ଏପରି ହଙ୍ଗାମା କରିଛନ୍ତି। ଏ ବର୍ଷ ଯୁକ୍ତ ଦୁଇ କଳା ପରୀକ୍ଷା ଦେବା ଲାଗି ୫୦ରୁ ଅଧିକ ଛାତ୍ରଛାତ୍ରୀ ଫର୍ମ ଫିଲ୍ଅପ୍ କରିଥିଲେ। କିନ୍ତୁ ଆସି ନ ଥିଲା ଆଡମିଟ୍ କାର୍ଡ। &nbsp;&nbsp;ତେଣୁ ସେମାନେ ପରୀକ୍ଷା ଦେଇପାରି ନ ଥିଲେ।</p> <p>ପ୍ରିନ୍ସପାଲଙ୍କୁ ବାରମ୍ବାର ଯୋଗାଯୋଗ କରିଥିଲେ ମଧ୍ୟ କିଛି ଫଳ ମିଳି ନ ଥିଲା। &nbsp;&nbsp;ଆଜି ପୁଣି ଥରେ କଲେଜକୁ ଏ ସଂପର୍କରେ ବୁଝିବାକୁ ଆସିଥିବା ବେଳେ ସେମାନେ ଦେଖିଥିଲେ ଯେ,&nbsp; କଲେଜ ବନ୍ଦ ଅଛି। ଏହା ପରେ ପିଲାଙ୍କର ରାଗ ଚରମସୀମାରେ ପହଞ୍ଚିଥିଲା। ଆଉ ସେମାନେ ଭଙ୍ଗାରୁଜା କରିଛନ୍ତି। କଲେଜ କର୍ତ୍ତୃପକ୍ଷଙ୍କ ନାଁରେ ବାଉଁଶୁଣୀ ଥାନାରେ ଠକେଇ ଅଭିଯୋଗ କରିଛନ୍ତି ଛାତ୍ରଛାତ୍ରୀ । &nbsp;ସେପଟେ କଲେଜର କୌଣସି ଅଧିକାରୀଙ୍କ ପତ୍ତା ନାହିଁ&nbsp; । ଏଥିପାଇଁ କଲେଜର ସ୍ୱକୃତୀ ଅଛି କି ନାହିଁ ବୋଲି ସନ୍ଦେହ ସୃଷ୍ଟି ହୋଇଛି । &nbsp;ପୋଲିସ ଘଟଣାର ତଦନ୍ତ କରୁଛି ।</p>