ଉଦଳା:(ଓଡ଼ିଶା ରିପୋର୍ଟର): ଆଜି ବି ବଞ୍ଚିଛି ଅନ୍ଧବିଶ୍ୱାସ। ଗୁଣିଗାରେଡି, ଡାହାଣି ସନ୍ଦେହରେ କେତେ ଯେ ଜୀବନ ଯାଉଛି ହେଲେ ଲୋକେ ସଚେତନ ହେଉନାହାନ୍ତି। ଅନ୍ଧବିଶ୍ୱାସର ପରିଣତ ଯେ କେତେ ସାଂଘାତିକ ତାହାର ଏକ ଚିତ୍ର ପୁଣି ସାମ୍ନାକୁ ଆସିଛି। ଅନ୍ଧବିଶ୍ୱାସରୁ ଅତି ବିଭତ୍ସ ଭାବେ ହୋଇଛି ହତ୍ୟାକାଣ୍ଡ। ଏଭଳି ଘଟଣା ଘଟିଛି ଖୁଣ୍ଟା ଥାନା କରକଚିଆ ନୂଆସାହି ଗ୍ରାମରେ।
ଶେଷରେ ଗତ ବୁଧବାର ଦିନ ବୁଦ୍ଧିରାମଙ୍କ ଝିଅର ମୃତ୍ୟୁ ହୋଇଥିଲା। ଏହାକୁ ନେଇ ଚମ୍ପା ସିଂଙ୍କ ଉପରେ ସନ୍ଦେହ କରିଥିଲା ବୁଦ୍ଧିରାମ। ଚମ୍ପା ଡାହାଣୀ ସାଜି ତାଙ୍କ ଝିଅକୁ ହତ୍ୟା କରିଥିବା ଭାବି ରକ୍ତ ଚାଉଳ ଚୋବାଉଥିଲା ବୁଦ୍ଧିରାମ। ଯାହାର ପରିଣାମ ଆଜି ଦେଖିବାକୁ ମିଳିଛି।
ଏହା ସହିତ ହତ୍ୟାକାଣ୍ଡରେ ବ୍ୟବହୃତ ଫାର୍ସାକୁ ମଧ୍ୟ ଅଭିଯୁକ୍ତ ନିଜ ସାଙ୍ଗରେ ନେଇ ଥାନାକୁ ଯାଇଥିଲା। ପୋଲିସ୍ ହତ୍ୟାକାଣ୍ଡରେ ବ୍ୟବହୃତ ଫାର୍ସାକୁ ଜବତ କରିବା ସହିତ ବୁଦ୍ଧିରାମଙ୍କୁ ଗିରଫ କରିଛି। ଡାହାଣୀ ସନ୍ଦେହରେ ଚମ୍ପାଙ୍କୁ ହତ୍ୟା କରିଥିବା ବୁଦ୍ଧିରାମ କହିଛି। ତେବେ ଏଭଳି ଏକ ହତ୍ୟାକାଣ୍ଡ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। ଅନ୍ୟପଟେ ପୋଲିସ୍ ଏବଂ ବାରିପଦାରୁ ସାଇଣ୍ଟିଫିକ୍ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
