ପ୍ରସାଦ ପଦ ଛାଡ଼ିବା କଥା ସ୍ପଷ୍ଟ କଲେ ସୁର; କହିଲେ, ୩ ନେତା ପଛରୁ ଛୁରି ମାରିଲେ

<p>ଭୁବନେଶ୍ୱର:&nbsp; ପିସିସି ସଭାପତି ପଦରୁ ଇସ୍ତଫା ଦେଇଛନ୍ତି ପ୍ରସାଦ ହରିଚନ୍ଦନ। ଏନେଇ ଆଜି ତାଙ୍କ ଶ୍ୱଶୁର ତଥା ବରିଷ୍ଠ କଂଗ୍ରେସ ନେତା ସୁରେଶ ରାଉତରାୟ ସ୍ପଷ୍ଟ କରିଛନ୍ତି। ଗତକାଲି ସେ ତାଙ୍କ ଇସ୍ତଫା ପତ୍ର&nbsp; ହାଇକମାଣ୍ଡଙ୍କୁ ପଠାଇ ଦେଇଛନ୍ତି। ବିଜେପୁର ଉପନିର୍ବାଚନରେ କଂଗ୍ରେସର ପରାଜୟ କାରଣକୁ ନେଇ ସେ ଇସ୍ତଫା ଦେଇଛନ୍ତି।</p> <p>ସୂଚନାଯୋଗ୍ୟ, ଗତକାଲି ବିଜେପୁର ଉପନିର୍ବାଚନରେ କଂଗ୍ରେସର ଶୋଚନୀୟ ପରାଜୟ ପରେ ପିସିସି ସଭାପତି ପଦରୁ ପ୍ରସାଦ ହରିଚନ୍ଦନଙ୍କ ଇସ୍ତଫା ଦେଇଥିବା ନେଇ ଦଳୀୟ ସୂତ୍ରରୁ ସୂଚନା ମିଳିଥିଲା। ଏ ନେଇ ଗତକାଲି ଅପରାହ୍ନରୁ ସୋସିଆଲ୍ ମିଡିଆରେ ଖବର ପ୍ରଚାରିତ ହେଉଥିଲା।</p> <p>ଅନ୍ୟପକ୍ଷରେ ବିଜେପୁର ପରାଜୟ ନେଇ ଦଳୀୟ ନେତାଙ୍କ ଉପରେ ବର୍ଷିଛନ୍ତି ସୁରେଶ ରାଉତରାୟ। ସେ କହିଛନ୍ତି,&ldquo; ପଞ୍ଚାୟତ ନିର୍ବାଚନ ପରେ କିଛି ନେତା ପିସିସି ସଭାପତି ପରିବର୍ତ୍ତନ ନେଇ ଦଳୀୟ ହାଇକମାଣ୍ଡଙ୍କ ପାଖରେ ଫେରାଦ ହୋଇଥିଲେ। ଏବେ ୩ ମୁଷ୍ଟିମେୟ ନେତା ପଛରୁ ଛୁରି ମାରିଲେ। ଏହାସହ ବିଜେପୁରରେ ପ୍ରାର୍ଥୀଙ୍କୁ ହରାଇବାକୁ ଲାଗି ପଡ଼ିଲେ। ନରସିଂହ ମିଶ୍ର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିବାରୁ ବିଜେପୁର ଉପନିର୍ବାଚନରେ ୧୦% ଭୋଟ୍ କଟିଲା।&rdquo;</p>