ଭୁବନେଶ୍ୱର(ଓଡ଼ିଶା ରିପୋର୍ଟର): ୧୯୯୮ ବ୍ୟାଚ୍ ଆଇଏଏସ୍ ସୁରେଶ କୁମାର ବଶିଷ୍ଠଙ୍କୁ ଆଜି ପ୍ରାୟ ୬ମାସ ପରେ ବିଜ୍ଞାନ ଓ କାରିଗରୀ ବିଭାଗର ସଚିବ ଭାବେ ନିଯୁକ୍ତି ମିଳିଛି। ଗତ ଜାନୁଆରୀ ପ୍ରଥମ ସପ୍ତାହରେ ରାଜ୍ୟ ସରକାର ତାଙ୍କୁ ଅଚାନକ କୃଷି ବିଭାଗର ସଚିବ ପଦରୁ ହଟାଇ ସାଧାରଣ ପ୍ରଶାସନ ବିଭାଗରେ ଓଏସଡି ଭାବେ ଅବସ୍ଥାପିତ କରିଥିଲେ।
ସାଧାରଣ ପ୍ରଶାସନ ବିଭାଗ ପକ୍ଷରୁ ଜାରି ବିଜ୍ଞପ୍ତି ଅନୁସାରେ ରାଜ୍ୟ ବିଜ୍ଞାନ ଓ କାରିଗରୀ ବିଭାଗର ସଚିବ ଭାବେ ଏବେ ଆଇଆରଟିଏସ୍ ଅଧିକାରୀ ମନୋଜ କୁମାର ମିଶ୍ର ଦାୟିତ୍ୱ ତୁଲାଉଛନ୍ତି। ଶ୍ରୀ ବଶିଷ୍ଠ ଦାୟିତ୍ୱ ନେବା ଦିନ ହିଁ ଶ୍ରୀ ମିଶ୍ରଙ୍କ ଏହି ବିଭାଗରେ ନିଯୁକ୍ତି ବାତିଲ ହୋଇଯିବ । ଶ୍ରୀ ବଶିଷ୍ଠଙ୍କୁ ରାଜ୍ୟ ସରକାର ଦଣ୍ଡ ସ୍ୱରୂପ ଓଏସଡି ଭାବେ ଦୀର୍ଘ ୬ମାସ ଧରି ବସାଇ ରଖିଥିଲେ।
ସେହିପରି ରାଜ୍ୟ ଅତିରିକ୍ତ ପରିବହନ କମିଶନର ଶ୍ରୀନିବାସ ବେହେରାଙ୍କୁ ରାଜ୍ୟ ଗୃହ ବିଭାଗର ଅତିରିକ୍ତ ସଚିବ ଭାବେ ବଦଳି ହୋଇଛି ।