ଶ୍ରୀମନ୍ଦିରରେ ମହାପ୍ରଭୁଙ୍କୁ ଦର୍ଶନ କଲେ ତଲଓ୍ୱାର ଦମ୍ପତି

<p>ପୁରୀ: ବହୁଚର୍ଚ୍ଚିତ ଆରୁଷି ହତ୍ୟା ମାମଲାରୁ ଦୋଷମୁକ୍ତ ହୋଇ ନିକଟରେ ଜେଲ୍&zwnj;ରୁ ମୁକୁଳିଥିବା ଆରୁଷିଙ୍କ ବାପା ରାଜେଶ ତଲଓ୍ୱାର ଓ ମାଆ ନୁପୁର ତଲଓ୍ୱାର ଗତକାଲି ଶ୍ରୀମନ୍ଦିର ଆସି ମହାପ୍ରଭୁଙ୍କୁ ଦର୍ଶନ କରିଥିଲେ। ତଲଓ୍ୱାର ଦମ୍ପତିଙ୍କ ସହିତ ସେମାଙ୍କ ପୂର୍ବତନ ଓକିଲ ତଥା ପୁରୀ ସାଂସଦ ପିନାକୀ ମିଶ୍ର ମଧ୍ୟ ଶ୍ରୀମନ୍ଦିରକୁ ଆସିଥିଲେ।&nbsp; ମାମଲାରୁ ମୁକ୍ତି ମିଳିଲେ ସେମାନେ ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କରି ଆଶୀର୍ବାଦ ନେବେ ବୋଲି ପୂର୍ବରୁ ମାନସିକ ରଖିଥିଲେ ବୋଲି କୁହାଯାଉଛି।</p> <p>ମହାପ୍ରଭୁଙ୍କୁ ଦର୍ଶନ କରିବା ପରେ ତଲଓ୍ୱାର ଦମ୍ପତି ଫେରିଯାଇଥିବା ସୂଚନା ମିଳିଛି।</p> <p>ସୂଚନାଯୋଗ୍ୟ, ଗତ ଅକ୍ଟୋବର ୧୬ ତାରିଖରେ ତଲଓ୍ୱାର ଦମ୍ପତି ଏହି ମାମଲାରେ ଦୋଷ ମୁକ୍ତ ହୋଇ ଗାଜିଆବାଦର ଦାସ୍&zwnj;ନା ଜେଲ୍&zwnj;ରୁ ମୁକୁଳିଥିଲେ। &nbsp;ସିବିଆଇ କୋର୍ଟ ଉଭୟଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଥିଲେ। ତେବେ ଏହାକୁ ଆହ୍ଲାବାଦ ହାଇକୋର୍ଟରେ ଚ୍ୟାଲେଞ୍ଜ୍ କରି ଦୋଷମୁକ୍ତ ହୋଇଥିଲେ ତଲଓ୍ୱାର୍ ଦମ୍ପତି।</p>