ବାହାରିପାରିଲାନି ସମାଧାନର ସୂତ୍ର: ପରୀକ୍ଷାରେ ସହଯୋଗ କରିବାକୁ ଶିକ୍ଷକଙ୍କୁ ଅନୁରୋଧ କଲେ ମନ୍ତ୍ରୀ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଆଜି ସରକାର ଓ ଶିକ୍ଷକ ସଂଘ ମିଳିତ ମଞ୍ଚର ବୈଠକ ସଚିବାଳୟରେ ବସିଥିଲା। ଉଚ୍ଚ ଶିକ୍ଷା, ଗଣ ଶିକ୍ଷା ମନ୍ତ୍ରୀ ଓ ୨ ବିଭାଗର ସଚିବଙ୍କ ସହ ସଂଘର ପ୍ରତିନିଧି ଆଲୋଚନା କରିଥିଲେ। ହେଲେ ବୈଠକରେ ବାହାରିପାରିନି ସମାଧାନର ସୂତ୍ର। ମଞ୍ଚର ଆବାହକ ଗୋଲକ ନାୟକ କହିଛନ୍ତି,&ldquo; ସରକାରଙ୍କ ସହ ଆଲୋଚନା ସୌହାର୍ଦ୍ଦ୍ୟପୂର୍ଣ୍ଣ ହୋଇଛି। କାଲି ସମାବେଶ ନ କରି ପରୀକ୍ଷାରେ ସହଯୋଗ ପାଇଁ ମନ୍ତ୍ରୀ ଅନୁରୋଧ କରିଛନ୍ତି। କିନ୍ତୁ ଏନେଇ କୌଣସି ନିଷ୍ପତ୍ତି ହୋଇ ନାହିଁ। ଷ୍ଟିୟରିଂ କମିଟି ବୈଠକରେ ନିଷ୍ପତ୍ତି ନିଆଯିବ।&rdquo;</p> <p>ଶିକ୍ଷକ ସଂଘ ମିଳିତ ମଞ୍ଚ ସହ ବୈଠକ ପରେ ମନ୍ତ୍ରୀ ବଦ୍ରି ପାତ୍ର ଓ ଅନନ୍ତ ଦାସ କହିଛନ୍ତି,&ldquo; ଶିକ୍ଷକ ଆନ୍ଦୋଳନ ପ୍ରତ୍ୟାହାର କରିବା ନେଇ ଆଶାବାଦୀ ଅଛୁ। ସରକାର ଦାବି ସମ୍ପର୍କରେ ଅବଗତ ଅଛନ୍ତି। ଏନେଇ ଶୀଘ୍ର ନିଷ୍ପତ୍ତି ହେବ। ଆଚରଣବିଧି ପାଇଁ ବିଜ୍ଞପ୍ତି ପ୍ରକାଶ ପାଇ ନାହିଁ। ଶିକ୍ଷକମାନେ ଆନ୍ଦୋଳନ ପ୍ରତ୍ୟାହାର ନ କଲେ ସରକାର ବିକଳ୍ପ ଚିନ୍ତା କରିଛନ୍ତି।&rdquo;</p> <p>ଛୁଟି ସତ୍ତ୍ୱେ ବି ଆଜି ସରକାର ଏବଂ ସଂଘର ସଦସ୍ୟଙ୍କ ମଧ୍ୟରେ ଆଲୋଚନା ହୋଇଥିଲା। ନିଯୁକ୍ତି ସଂପର୍କିତ ସତ୍ୟପାଠ ଉଚ୍ଛେଦ ଦାବିରେ ଭୁବନେଶ୍ୱର ମହାତ୍ମାଗାନ୍ଧି ମାର୍ଗରେ ୧୨ ଦିନ ହେଲାଣି ଆନ୍ଦୋଳନରେ ବସିଛି ମିଳିତ ମଞ୍ଚ।</p> <p>ଗତ ଶୁକ୍ରବାର ବି ଉଚ୍ଚ ଶିକ୍ଷାମନ୍ତ୍ରୀ ଏବଂ ବିଭାଗୀୟ ସଚିବଙ୍କ ମଧ୍ୟରେ ସଚିବାଳୟରେ ପାଖାପାଖି ଘଣ୍ଟାଏ ଧରି ଆଲୋଚନା ହୋଇଥିଲା। ତଥାପି କୌଣସି ନିଷ୍କର୍ସ ବାହାରି ପାରି ନ ଥିଲା। ଯାହାଫଳରେ ଆସନ୍ତାକାଲି ରାଜଧାନୀରେ ମହସମାବେଶ କରିବାକୁ ମଞ୍ଚ ଚେତାବନୀ ଦେଇଥିଲା।</p>