ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କଟକ (ଓଡ଼ିଶା ରିପୋର୍ଟର): ସନ୍ଦଗ୍ଧ ଅଲ୍‌କଏଦା ଆତଙ୍କବାଦୀ ଅବଦୁର ରହେମାନ ଗିରଫ ହେବା ଘଟଣା ରାଜ୍ୟବାସୀଙ୍କ ମନରୁ ଲିଭି ନଥିବା ବେଳେ ଏନ୍‌ଆଇଏ କଟକ ଜିଲ୍ଲା ସାଲେପୁର ଅଞ୍ଚଳରୁ ଅଞ୍ଚଳରୁ ଆଉ ଜଣଙ୍କୁ ସନ୍ଦେହରେ ଧରିଛି। ଏନ୍‌ଆଇଏର ଏକ ଟିମ୍‌ ସାଲେପୁରର କିଶନ ନଗର ନିକଟ ସାମନ୍ତରାପୁର ଗାଁରେ ଚଢାଉ କରି ଅଖତର ହୁସେନ ଖାନ ନାମକ ଜଣେ ବ୍ୟକ୍ତିଙ୍କୁ ଅଟକ ରଖିଛି। ଅଖତାରର ଆତଙ୍କବାଦୀ ସଂଗଠନ ଲସ୍କର-ଏ-ତୋଏବା ସହ ଲିଙ୍କ୍ ଥିବା ସନ୍ଦେହ କରାଯାଉଛି। ନିକଟରେ ଧରାପଡ଼ିଥିବା ଜଣେ LET ଆତଙ୍କବାଦୀର ବୟାନ ଭିତ୍ତିରେ ଏନ୍‌ଆଇଏ ଅଖତାର ନିକଟରେ ପହଞ୍ଚିଥିବା କୁହାଯାଉଛି।</p> <p>ଆଜି ସକାଳେ ଏନ୍‌ଆଇଏର ୬ ଜଣିଆ ଟିମ୍ ସ୍ଥାନୀୟ ପୋଲିସ ସହାୟତାରେ ଅଖତର ରହୁଥିବା ଘର ଉପରେ ଚଢାଉ କରିଥିଲା। ପ୍ରାୟ ୫ ଘଣ୍ଟ ଧରି ଚଢାଉ ଜାରି ରଖିଥିଲା। ଏହାପରେ ଏନ୍‌ଆଇଏ ଟିମ୍ ଅଖତାରଙ୍କୁ ନିଜ ହେପାଜତକୁ ନେଇଛି। ଅଖତାରଙ୍କ ପାଖରୁ କିଛି ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ ହୋଇଥିବା ସୂଚନା ମିଳିଛି।</p> <p>ଅଖତରଙ୍କ ନିଜ ଘର କଟକ ଜିଲ୍ଲା ନେମାଳ ଅଞ୍ଚଳରେ। ୧୫ ବର୍ଷ ଧରି ସେ ଦୁବାଇ ଓ ସାଉଦୀ ଆରବରେ କାମ କରୁଥିଲେ। ସେଠାରୁ ଫେରିବା ପରେ ଗତ ୪ ବର୍ଷ ହେବ କିଶନନଗର ସାମନ୍ତରାପୁରରେ ଭଡା ଘର ନେଇ ରହିଆସୁଥିଲେ। କୋଲକତାରେ ମଧ୍ୟ ତାଙ୍କ କିଛି ବ୍ୟବସାୟ ଥିବା ସୂଚନା ମିଳିଛି।</p> <p>ଅଖତାର କୌଣସି ସନ୍ଦିଗ୍ଧ କାର୍ଯ୍ୟକଳାପରେ ସଂପୃକ୍ତ ଥିବା ସେମାନେ କେବେ ସୁରାକ୍ ପାଇ ନଥିବା ସ୍ଥାନୀୟ ବାସିନ୍ଦା କହିଛନ୍ତି। ଅଖତାରଙ୍କ ପରିବାର ଲୋକେ ଏପରି ଅଭିଯୋଗକୁ ଖଣ୍ଡନ କରିଛନ୍ତି।</p> <p>ପୂର୍ବରୁ ଏଲକାଏଦା ଲିଙ୍ଗରେ କଟକ ଚୌଦାର ନିକଟ ପଶ୍ଚିମକଚ୍ଚ ଗାଁରୁ ଅବଦୁର ରେହମାନଙ୍କୁ ଗିରଫ କରାଯାଇଥିଲା। ଏହାପରେ ରାଉରକେଲାରୁ ଧରାପଡିଥିଲେ ୪ ସନ୍ଦିଗ୍ଧଙ୍କୁ ଏସ୍‌ଆଇଏମ୍‌ଆଇ ଆତଙ୍କବାଦୀ। ସେହିଭଳି ବେଙ୍ଗାଲୁରୁରେ ଧରାପଡିଥିବା ଜଣେ ଆତଙ୍କବାଦୀ ପୁରୀରେ ଆସି ରେକି କରିଥିବା ସ୍ୱୀକାର କରିଥିବା ନେଇ ଖୁଲାସା ହୋଇଥିଲା।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
