ଓଡ଼ିଶାରେ କାୟା ବିସ୍ତାର କରୁଛନ୍ତି ଆତଙ୍କବାଦୀ ! ରେହମାନ ପରେ ଅଖତାର

<p>କଟକ (ଓଡ଼ିଶା ରିପୋର୍ଟର): ସନ୍ଦଗ୍ଧ ଅଲ୍&zwnj;କଏଦା ଆତଙ୍କବାଦୀ ଅବଦୁର ରହେମାନ ଗିରଫ ହେବା ଘଟଣା ରାଜ୍ୟବାସୀଙ୍କ ମନରୁ ଲିଭି ନଥିବା ବେଳେ ଏନ୍&zwnj;ଆଇଏ କଟକ ଜିଲ୍ଲା ସାଲେପୁର ଅଞ୍ଚଳରୁ ଅଞ୍ଚଳରୁ ଆଉ ଜଣଙ୍କୁ ସନ୍ଦେହରେ ଧରିଛି। ଏନ୍&zwnj;ଆଇଏର ଏକ ଟିମ୍&zwnj; ସାଲେପୁରର କିଶନ ନଗର ନିକଟ ସାମନ୍ତରାପୁର ଗାଁରେ ଚଢାଉ କରି ଅଖତର ହୁସେନ ଖାନ ନାମକ ଜଣେ ବ୍ୟକ୍ତିଙ୍କୁ ଅଟକ ରଖିଛି। ଅଖତାରର ଆତଙ୍କବାଦୀ ସଂଗଠନ ଲସ୍କର-ଏ-ତୋଏବା ସହ ଲିଙ୍କ୍ ଥିବା ସନ୍ଦେହ କରାଯାଉଛି। ନିକଟରେ ଧରାପଡ଼ିଥିବା ଜଣେ LET ଆତଙ୍କବାଦୀର ବୟାନ ଭିତ୍ତିରେ ଏନ୍&zwnj;ଆଇଏ ଅଖତାର ନିକଟରେ ପହଞ୍ଚିଥିବା କୁହାଯାଉଛି।</p> <p>ଆଜି ସକାଳେ ଏନ୍&zwnj;ଆଇଏର ୬ ଜଣିଆ ଟିମ୍ ସ୍ଥାନୀୟ ପୋଲିସ ସହାୟତାରେ ଅଖତର ରହୁଥିବା ଘର ଉପରେ ଚଢାଉ କରିଥିଲା। ପ୍ରାୟ ୫ ଘଣ୍ଟ ଧରି ଚଢାଉ ଜାରି ରଖିଥିଲା। ଏହାପରେ ଏନ୍&zwnj;ଆଇଏ ଟିମ୍ ଅଖତାରଙ୍କୁ ନିଜ ହେପାଜତକୁ ନେଇଛି। ଅଖତାରଙ୍କ ପାଖରୁ କିଛି ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ ହୋଇଥିବା ସୂଚନା ମିଳିଛି।</p> <p>ଅଖତରଙ୍କ ନିଜ ଘର କଟକ ଜିଲ୍ଲା ନେମାଳ ଅଞ୍ଚଳରେ। ୧୫ ବର୍ଷ ଧରି ସେ ଦୁବାଇ ଓ ସାଉଦୀ ଆରବରେ କାମ କରୁଥିଲେ। ସେଠାରୁ ଫେରିବା ପରେ ଗତ ୪ ବର୍ଷ ହେବ କିଶନନଗର ସାମନ୍ତରାପୁରରେ ଭଡା ଘର ନେଇ ରହିଆସୁଥିଲେ। କୋଲକତାରେ ମଧ୍ୟ ତାଙ୍କ କିଛି ବ୍ୟବସାୟ ଥିବା ସୂଚନା ମିଳିଛି।</p> <p>ଅଖତାର କୌଣସି ସନ୍ଦିଗ୍ଧ କାର୍ଯ୍ୟକଳାପରେ ସଂପୃକ୍ତ ଥିବା ସେମାନେ କେବେ ସୁରାକ୍ ପାଇ ନଥିବା ସ୍ଥାନୀୟ ବାସିନ୍ଦା କହିଛନ୍ତି। ଅଖତାରଙ୍କ ପରିବାର ଲୋକେ ଏପରି ଅଭିଯୋଗକୁ ଖଣ୍ଡନ କରିଛନ୍ତି।</p> <p>ପୂର୍ବରୁ ଏଲକାଏଦା ଲିଙ୍ଗରେ କଟକ ଚୌଦାର ନିକଟ ପଶ୍ଚିମକଚ୍ଚ ଗାଁରୁ ଅବଦୁର ରେହମାନଙ୍କୁ ଗିରଫ କରାଯାଇଥିଲା। ଏହାପରେ ରାଉରକେଲାରୁ ଧରାପଡିଥିଲେ ୪ ସନ୍ଦିଗ୍ଧଙ୍କୁ ଏସ୍&zwnj;ଆଇଏମ୍&zwnj;ଆଇ ଆତଙ୍କବାଦୀ। ସେହିଭଳି ବେଙ୍ଗାଲୁରୁରେ ଧରାପଡିଥିବା ଜଣେ ଆତଙ୍କବାଦୀ ପୁରୀରେ ଆସି ରେକି କରିଥିବା ସ୍ୱୀକାର କରିଥିବା ନେଇ ଖୁଲାସା ହୋଇଥିଲା।</p>