ପୁରୀ (ଓଡ଼ିଶା ରିପୋର୍ଟର): ଆସନ୍ତା ୨୬ ତାରିଖରେ ପଡ଼ୁଛି ପବିତ୍ର ଅକ୍ଷୟ ତୃତୀୟା। ଏହି ଦିନଠାରୁ ଆରମ୍ଭ ହେବ ମହାପ୍ରଭୁଙ୍କ ରଥ ନିର୍ମାଣ କାର୍ଯ୍ୟ। ସେଥିପାଇଁ ଆଜି ବଡ଼ଦାଣ୍ଡରେ ପହଞ୍ଚିଛି ଷଷ୍ଠ ପର୍ଯ୍ୟାୟର ରଥକାଠ। ‘କରୋନା’ର ଅନେକ କଟକଣା ଭିତରେ ନୟାଗଡ଼ ବନଖଣ୍ଡରୁ ଆଜି ୪୯ ଖଣ୍ଡ ଅସନ, ଧଉରା ଓ ସିମିଳି କାଠ ପହଞ୍ଚିବା ପରେ ତାକୁ ରଥଖଳାରେ ରଖାଯାଇଛି। ସେପଟେ କଟକ ଖପୁରିଆ କରତ କଳରେ କାଠ ଚିରଟ କରାଯାଉଛି। ତେବେ ‘କରୋନା’ ସ୍ଥିତିକୁ ଦେଖି ବୈଠକ ପରେ ରଥଯାତ୍ରା କିଭଳି ହେବ ସେ ନେଇ ପଦକ୍ଷେପ ନିଆଯିବ ବୋଲି କହିଛନ୍ତି ଶ୍ରୀମନ୍ଦିର ତତ୍ତ୍ୱବଧାରକ।
ସେପଟେ ରଥନିର୍ମାଣ ପାଇଁ ୮୬୫ଖଣ୍ଡ କାଠ ଆବଶ୍ୟକ। ସେଥିରୁ ୧୭୫ ଖଣ୍ଡ କାଠ ପୂର୍ବରୁ ଆସିଥିଲା। ଆଜି ନୟାଗଡ ବନଖଣ୍ଡରୁ ୪୯ ଖଣ୍ଡ କାଠରୁ ଧଉରା ୧୨ ଫୁଟିଆ ୪ଟି, ଅସନ ୨୦ଫୁଟିଆ ୨୬ଟି, ଧଉରା ୨୦ଫୁଟିଆ ୧୨ଟି ଅସନ ୧୨ଫୁଟିଆ ୬ଟି, ସିମିଳି୧ଖଣ୍ଡ କାଠ ଆସିଛି। ଷଷ୍ଠ ପର୍ଯ୍ୟାୟରେ ଆସିଛି ୨୨୪ ଖଣ୍ଡ କାଠ।