ବଲାଙ୍ଗିର (ଘଟେଶ୍ୱର ମିଶ୍ର): ବଲାଙ୍ଗିର ସଦର ଥାନା ଅନ୍ତର୍ଗତ ଖୁଜେନପାଲି ଗାଁରେ ଥିବା ଦୁଇଟି ମନ୍ଦିରରୁ ଚୋରି ହୋଇଥିବା ଅଭିଯୋଗ ହୋଇଛି। ଧବଳେଶ୍ୱର ମନ୍ଦିର ଓ ଦୁର୍ଗା ମନ୍ଦିରରୁ ଏହି ଚୋରି ହୋଇଥିବା ଜଣାପଡ଼ିଛି।
ଦୁର୍ବୃତ୍ତମାନେ ଧବଳେଶ୍ୱର ମନ୍ଦିରର କବାଟ ଭାଙ୍ଗି ମା’ ପାର୍ବତୀଙ୍କ ରୁପା ମୁକୁଟ ଓ ହାର ଚୋରି କରି ନେଇଥିବା ବେଳେ ଦାନ ବାକ୍ସରୁ ମଧ୍ୟ ଟଙ୍କା ନେଇ ଯାଇଛନ୍ତି। ସେମାନେ ଦାନବାକ୍ସକୁ ମନ୍ଦିର ବାହାରେ ଫୋପାଡ଼ି ଦେଇଥିଲେ।
ସେହିପରି ଦୁର୍ବୃତ୍ତମାନେ ଦୁର୍ଗା ମନ୍ଦିରର କବାଟ ଭାଙ୍ଗି ରୁପା ମୁକୁଟ ଚୋରି କରି ନେଇଛନ୍ତି। ଏହାସହ ଦାନବାକ୍ସରୁ ବି ଟଙ୍କା ନେଇଯାଇଛନ୍ତି।
ଗତକାଲି ରାତି ପ୍ରାୟ ୧୨ଟା ବେଳେ ଏହି ଚୋରି ହୋଇଥିବା ସିସିଟିଭି ଫୁଟେଜ୍ରୁ ଜଣାପଡ଼ିଛି।
ଆଜି ସକାଳେ ପୂଜକ ମନ୍ଦିର ଆସିବା ପରେ ଏ ବିଷୟରେ ଜଣାପଡ଼ିଥିଲା। ସେ ସଙ୍ଗେ ସଙ୍ଗେ ସ୍ଥାନୀୟ ଲୋକଙ୍କୁ ଜଣାଇଥିଲେ। ଏହା ପରେ ପୁଲିସ୍କୁ ଖବର ଦିଆଯାଇଥିଲା। ପୁଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ କରିଛି।
ଶିବରାତ୍ରୀରେ ମନ୍ଦିରକୁ ବହୁ ପରିମାଣରେ ଦାନ ମିଳିଥିଲା। ଏହି ଦୃଷ୍ଟିରୁ ଚୋରି ହୋଇଥିବା ଅନୁମାନ କରାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
