ରାଉରକେଲା(ସତ୍ୟାନନ୍ଦ ମହାନ୍ତି):ବାରିପଦା ସିରିଷବଣି ସ୍ୱାମୀ ବିବେକାନନ୍ଦ ସ୍କୁଲରୁ ଗତ ଅଗଷ୍ଟ ୧୬ରେ ୩ ଜଣ ନବମ ଶ୍ରେଣୀ ଛାତ୍ର ନିଖୋଜ ଥିଲେ। ଆଜି ସେମାନଙ୍କ ମଧ୍ୟରୁ ୨ ଜଣଙ୍କୁ ରାଉରକେଲା ଟାଙ୍ଗରପାଲି ଥାନା ପୁଲିସ ଉଦ୍ଧାର କରିଥିବା ବେଳେ ଅନ୍ୟ ଜଣେ ଜାମସେଦପୁରରୁ ଉଦ୍ଧାର ହୋଇଛି।
୧୬ ତାରିଖ ଦିନ ହଷ୍ଟେଲରୁ ଗଲାପରେ ଏହି ଛାତ୍ରମାନେ ମୁମ୍ବାଇ ପଳାଇଥିଲେ । ସୋମବାର ରାତିରେ ଟ୍ରେନରେ ଆସି ରାଉରକେଲା ରେଳ ଷ୍ଟେସନରୁ ସାରନଗରୀ ଯାଉଥିବା ବେଳେ ରାତି ପାଟ୍ରୋଲିଂ ପୋଲିସର ସନ୍ଦେହ ହୋଇଥିଲା । ପଚରାଉଚୁରା ପରେ ଜଣା ପଡିଥିଲା ଯେ, ମୁମ୍ବାଇରୁ ଫେରିବା ପରେ ଆଉ ଜଣେ ଛାତ୍ର ଜାମସେଦପୁର ଯାଇଛି। ବାରିପଦା ପୁଲିସ ଆଜି ଆସି ଟାଙ୍ଗର ପାଲି ଥାନାରୁ ଛାତ୍ର ଦୁଇଜଣଙ୍କୁ ନେଇଛି ।