ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ବାରିପଦା (ଓଡ଼ିଶା ରିପୋର୍ଟର): ଏବେ ଚାଲିଛି ପର୍ଯ୍ୟଟନ ଋତୁ। ଓଡ଼ିଶାର ବିଭିନ୍ନ ସ୍ଥାନରେ ପ୍ରାକୃତିକ ଶୋଭାରାଜି ଦେଖିବାକୁ ମିଳୁଥିବା ବେଳେ ମୟୂରଭଞ୍ଜର ସ୍ଥାନ ନିଆରା। ଏଥିପାଇଁ କାହିଁ କତେ ଦୂରରୁ ଧାଇଁ ଆସୁଛନ୍ତି ପର୍ଯ୍ୟଟକ। ପ୍ରାକୃତିକ ସୌନ୍ଦର୍ଯ୍ୟ ଭରା ଶିମିଳିପାଳରେ ଏବେ ପର୍ଯ୍ୟଟକଙ୍କ ଭିଡ଼ ଦେଖିବାକୁ ମିଳିଛି। ପ୍ରକୃତିକ ଶୋଭା ରାଜି ଭିତରେ ପକ୍ଷୀଙ୍କ କଳରବ। କୁଳୁକୁଳୁ ଝରଣା ସ୍ୱର ପୁଣି ଚଟାଣ ପଥର ଫାଟି ବହି ଯାଉଛି ଝରଣା ପାଣି। ଶୀତୁଆ ସକାଳର ସୂର୍ଯ୍ୟଙ୍କ ସ୍ୱର୍ଣ୍ଣିମ କିରଣ ଆଉ ଗୋଧୂଳି ବେଳାରେ ସିନ୍ଦୁରା ଫାଟି ବିଦାୟ ନେଉଥିବା ସୂର୍ଯ୍ୟଙ୍କ ଦୃଶ୍ୟ ପର୍ଯ୍ୟଟକଙ୍କୁ ଖୁବ ରୋମାଞ୍ଚିତ କରୁଛି। ଏହି ମନୋରମ ଦୃଶ୍ୟକୁ ତୋଳି ଧରିବାକୁ ପର୍ଯ୍ୟଟକ ସେଲ୍ଫି ନେବାରେ ବ୍ୟସ୍ତ। ଶିମିଳିପାଳର ବଣ ଜଙ୍ଗଲ ସାଙ୍ଗକୁ ପ୍ରାକୃତିକ ସୌନ୍ଦର୍ଯ୍ୟର ଉପଭୋଗ କରିବା ସହ ଭୋଜି ଭାତର ମଧ୍ୟ ମଜା ନେଉଛନ୍ତି ପର୍ଯ୍ୟଟକ।</p> <p><a href="">(image) </a>ସେହିପରି ଶିମିଳିପାଳ ପାଦଦେଶରେ ଥିବା ଲୁଲୁଙ୍ଗର ପଳପଳା ନଦୀର ଝରଣାରେ କିଏ ଗାଧୋଇ ମଜା ନେଉଛି ତ ଆଉ କିଏ ପ୍ରାକୃତିକ ସୌନ୍ଦର୍ଯ୍ୟରେ ନିଜକୁ ହଜାଇ ଦେଇଛି। ଏହାସହ ଦେବକୁଣ୍ଡ, ସୀତାକଣ୍ଡ, ମୁନିନ୍ଦର, କାନଛିଣ୍ଡା, ଚିଙ୍ଗୁଡିଆ ଏବଂ ଭୀମକୁଣ୍ଡରେ ମଧ୍ୟ ପର୍ଯ୍ୟଟକଙ୍କ ପ୍ରବଳ ଭିଡ଼ ଜମୁଛି। ଦୈନନ୍ଦିନ ବ୍ୟସ୍ତ ବହୁଳ ଜୀବନରୁ କିଛି ସମୟ ବାହାର କରି ପ୍ରକୃତିର ମଜା ଉଠାଇଛନ୍ତି ପର୍ଯ୍ୟଟକ।</p> <p><a href="http://odishareporter.in/wp-content/uploads/2017/12/silipala-3.jpg">(image) </a>ଚଳିତ ବର୍ଷ ଶିମିଳିପାଳ ଅଭୟାରଣ୍ୟକ ଆସିବା ପାଇଁ ୧୦ ହଜାରରୁ ଅଧିକ ପର୍ଯ୍ୟଟକ ଆବେଦନ କରିଛନ୍ତି। ସେମାନଙ୍କ ମଧ୍ୟରୁ ଅନେକ ବିଦେଶୀ ପର୍ଯ୍ୟଟକ ମଧ୍ୟ ଅଛନ୍ତି। ସେହିଭଳି ଦେବକୁଣ୍ଡ, ସୀତାକଣ୍ଡ, ଲୁଲୁଙ୍ଗ, ଭୀମକୁଣ୍ଡରେ ଲକ୍ଷାଧିକ ପର୍ଯ୍ୟଟକ ବଣ ଭୋଜିର ମଜା ନେଇ ସାରିଲେଣି।</p> <p>https://www.youtube.com/watch?v=pX31XWcWLe0</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
