କରୋନା ବ୍ରେକ୍‌ରେ ପୁଣି ଆରମ୍ଭ ହେବ ଚଢ଼ଉ, ଏଣିକି ଲାଇସେନ୍ସ ବି ଯିବ

ଭୁବନେଶ୍ୱର(ଓଡ଼ିଶା ରିପୋର୍ଟର) ବେପରୁଆ ଗାଡି ଚାଳକଙ୍କୁ ଆଗକୁ ଆଉ ନିସ୍ତାର ମିଳିବନି। ଆସନ୍ତା ଜାନୁଆରୀରୁ ରାଜ୍ୟରେ ପୁଣି ଥରେ ଗାଡ଼ି ଚେକିଂ ଜୋରଦାର ହେବ  । ହେଲମେଟ୍, ସିଟ୍ ବେଲ୍ଟ ଓ ପରିବହନ ଆଇନ ଲାଗୁ ନେଇ ଜୋରଦାର ଯାଞ୍ଚ ହେବ ବୋଲି ପରିବହନ ମନ୍ତ୍ରୀ ପଦ୍ମନାଭ ବେହେରା କହିଛନ୍ତି। ଦ୍ରୁତ ବେଗରେ ଗାଡି ଚଳାଇଲେ, ମଦ୍ୟ ପାନ କରି ଗାଡି ଚଳାଇଲେ, ଡ୍ରାଇଭିଂ ବେଳେ ମୋବାଇଲରେ କଥା ହେଉଥିଲେ ତିନି ମାସ ପାଇଁ ବାତିଲ ହେବ ଡ୍ରାଇଭିଂ ଲାଇସେନ୍ସ।  ରାଜ୍ୟ ପରିବହନ କର୍ତ୍ତୃପକ୍ଷ-ଏସଟିଏ ଟ୍ୱିଟ୍ କରି ଏହି ସୂଚନା ଦେଇଛି।  ଏଥିସହ ଟ୍ରାଫିକ୍ରେ ରେଡ୍ ଲାଇଟ୍ ଅତିକ୍ରମ କଲେ, ମାଲ ପରିବହନ ଗାଡିରେ ଯାତ୍ରୀ ବୁହା ହେଲେ ମଧ୍ୟ ନିୟମ କଡ଼ାକଡ଼ି ଲାଗୁ କରାଯିବ। ଉଭୟ ବାଇକ୍ ଡ୍ରାଇଭର ଓ ପଛରେ ବସିଥିବା ବ୍ୟକ୍ତିଙ୍କ ପାଇଁ ହେଲମେଟ୍ ବାଧ୍ୟତାମୂଳକ ଓ ଏହାସହ ଡିଏଲ ସାମୟିକ ଭାବେ ବାତିଲ ହୋଇପାରେ।