ହାରିଗଲେ ଦ୍ୱିତୀୟ ଭଗବାନ, ବ୍ୟବସ୍ଥା ଭିତରେ ବୁଲି ବୁଲି ଚାଲିଗଲା ପ୍ରାଣ, ଶୁଣନ୍ତୁ ମା ଓ ଝିଅଙ୍କ କୋହଭରା କାହାଣୀ

<p>କଟକ:(ଓଡ଼ିଶା ରିପୋର୍ଟର) ହାରିଗଲେ ଦ୍ୱିତୀୟ ଭଗବାନ । କଟକର କରୁଣ କାହାଣୀ।&nbsp; ଯିଏ ଦିନେ ଶହ ଶହ ଲୋକଙ୍କୁ ମୃତ୍ୟୁମୁଖରୁ ଫେରାଇ ଆଣିଥିଲେ, ତାଙ୍କ ବେଳକୁ କିନ୍ତୁ ସମସ୍ତେ ନିରବ। ମୃତ୍ୟୁ ସହ ସଂଗ୍ରାମ କରୁଥିବା ଡାକ୍ତର ସ୍ୱାମୀଙ୍କୁ ମେଡ଼ିକାଲ ନେବାକୁ ଆମ୍ବୁଲାନ୍ସରୁ ଅଟୋ ପର୍ଯ୍ୟନ୍ତ ସହାୟତା ମାଗିଥିଲେ ପତ୍ନୀ । କିନ୍ତୁ କେହି ବି ବଢ଼ାଇଲେନି ସହାୟତାର ହାତ । ଶେଷରେ ମାତ୍ର କେଇ ମିନିଟରେ ଜୀବନ ଯୁଦ୍ଧରେ ହାରିଗଲେ କଟକର ପ୍ରତିଷ୍ଠିତ ହୋମିଓପାଥୀ ଡାକ୍ତର ଏମ୍.ଏସ୍.ଓଝା ।<br />&lt;h3&gt;ଛାତି ଥରାଇଦେଲା ଭଳି ଘଟଣା&lt;/h3&gt;<br />&lt;a href=&quot;&quot;&gt;(image) &lt;/a&gt;</p><p>ସହର ବଡ଼ ହେଲେ ହୃଦୟ ଛୋଟ। ଛାତି ଥରାଇଦେଲା ଭଳି ଘଟଣା । ମାନବିକତାକୁ ଦୋହଲାଇ ଦେଲା ଭଳି ଅବ୍ୟବସ୍ଥାର ଚରମ ନିଦର୍ଶନ ।&nbsp; ମୃତ୍ୟୁ ସହ ସଂଗ୍ରାମ କରୁଥିବା ସ୍ୱାମୀଙ୍କୁ &nbsp;ମେଡ଼ିକାଲ ନେବାକୁ ଟିକଟ ଖଣ୍ଡେ ପାଇଁ ପ୍ରିପେଡ୍ ଅଟୋ କାଉଣ୍ଟରରେ ପତ୍ନୀ କରୁଥିଲେ ଆକୁଳ ନିବେଦନ। ସୋମବାର ରାତି ପ୍ରାୟ ଗୋଟାଏରେ କଟକ ରେଳଷ୍ଟେସନ୍ ନିକଟ ପ୍ରିପେଡ୍ ଅଟୋ କାଉଣ୍ଟର ପାଖରେ ଏମିତି ଥିଲା ଦୃଶ୍ୟ। &nbsp;ଜଣାଶୁଣା ହୋମିଓପାଥୀ ଡାକ୍ତର ଏମ୍.ଏସ୍. ଓଝାଙ୍କୁ ମୃତ୍ୟୁମୁଖରୁ &nbsp;ବଞ୍ଚାଇବା ପାଇଁ ଅଟୋରେ ମେଡ଼ିକାଲ ନେବାକୁ ପ୍ରି-ପେଡ୍ ଅଟୋ କାଉଣ୍ଟରରେ ପହଞ୍ଚିଥିଲେ ପତ୍ନୀ ରାଜଶ୍ରୀ। &nbsp;କିନ୍ତୁ ତରବରିଆ ଭାବେ ଘରୁ ବାହାରି ଆସିଥିବାରୁ ଟଙ୍କା ଆଣି ପାରି ନ ଥିଲେ ରାଜଶ୍ରୀ। ତଥାପି ଟିକେଟ ଖଣ୍ଡେ ମାଗିଥିଲେ। &nbsp;&nbsp;କିନ୍ତୁ ବିନା ଟଙ୍କାରେ ଟିକେଟ ଦିଆଯିବ ନାହିଁ ବୋଲି ରୋକଠୋକ୍ ମନା କରିଦେଇଥିଲେ କାଉଣ୍ଟରରେ ଡ୍ୟୁଟିରେ ଥିବା ପ୍ରତାପ ଚନ୍ଦ୍ର ପ୍ରଧାନ ନାମକ ଜଣେ ଜିଆରପି କନଷ୍ଟେବଳ। ଯେତେ ନେହୁରା ହେଲା ପରେ ବି କେହି ଶୁଣିଲେନି। &nbsp;ଆଉ ଶେଷରେ ଅନ୍ୟ ଜଣେ ଅଟୋ ଚାଳକ ଶହେ ଟଙ୍କା ଦେବାରୁ ସେଥିରେ ଟିକଟ କାଟି ଅଟୋ ଧରି ଘରେ ପହଞ୍ଚିଥିଲେ ରାଜଶ୍ରୀ। &nbsp;ସେତେବେଳକୁ କିନ୍ତୁ ଡାକ୍ତର ଓଝା ଆଖିବୁଜି ସାରିଥିଲେ।<br />&lt;h3&gt;ସୀମା ଡେଇଁ ଥିଲା ଅବହେଳା&lt;/h3&gt;<br />&lt;a href=&quot;http://odishareporter.in/wp-content/uploads/2018/01/IMG-20180103-WA0181.jpg&quot;&gt;(image) &lt;/a&gt;</p><p>କେବଳ ପ୍ରି-ପେଡ୍ ଅଟୋ କାଉଣ୍ଟରରେ ଯେ ଏଭଳି ଅବହେଳା କରାଯାଇଥିଲା ତାନୁହେଁ , ତାପୂର୍ବରୁ ୧୦୮ ଆମ୍ବୁଲାନସ ମଧ୍ୟ ଧୋକ୍କା ଦେଇଥିଲା। &nbsp;ଏହାପରେ ପ୍ରି-ପେଡ୍ ଅଟୋ କାଉଣ୍ଟରରେ ଅବହେଳା କରାଯିବାରୁ ୩୦ରୁ ୪୦ ମିନିନିଟ୍ ବିତିଯାଇଥିବାରୁ ବାପାଙ୍କୁ ଆଉ ବଞ୍ଚାଇ ହେଲାନି ବୋଲି କହିଛନ୍ତି ଡାକ୍ତର ଓଝାଙ୍କ ଝିଅ ଶ୍ରଦ୍ଧାସ୍ ପ୍ରିୟା । ଏନେଇ ପରିବାର ଲୋକ ଏବଂ ଷ୍ଟେସନ୍ ବଜାର ପୂଜା କମିଟି ପକ୍ଷରୁ ଜିଆରପି ଥାନାରେ ଏତଲା ଦିଆଯାଇଛି । ଘଟଣାର ତଦନ୍ତ କରାଯାଇ ସଂପୃକ୍ତ କନଷ୍ଟେବଳଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଜିଆରପି ଥାନା ଅଧିକାରୀ।</p><p>https://youtu.be/5OPqfEeB48k</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।