ଟ୍ରେନ୍‌ରେ କଟି ଯୁବକ ମୃତ     

ଖୋର୍ଦ୍ଧା (ବଳରାମ ଲେଙ୍କା): ଖୋର୍ଦ୍ଧା ଜିଲ୍ଲା ବୋଲଗଡ଼ର ଭୂଇଁଆ ଷ୍ଟେସନ୍ ନିକଟରେ ଆଜି ସକାଳେ ଟ୍ରେନ୍‌ରେ କଟି ଜଣେ ଯୁବକଙ୍କ ମୃତ୍ୟୁ ଘଟିଛି। ତାଙ୍କ ନାଁ ଲିପୁ ଦାସ (୨୫)। ତାଙ୍କ ଘର ରଣପୁର ବ୍ଳକ ପଥରପୁଜି ଗାଁରେ। ପାରିପାର୍ଶ୍ୱକ ସ୍ଥିତିରୁ ଯୁବକ ଜଣଙ୍କ ଆତ୍ମହତ୍ୟା କରିଥିବା ଅନୁମାନ କରାଯାଉଛି। ବୋଲଗଡ଼ ପୁଲିସ୍‌ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛି ଓ ଘଟଣାର ତଦନ୍ତ କରୁଛି।