ଯାଜପୁର(ଓଡ଼ିଶା ରିପୋର୍ଟର): କୋଇଲା ନେଇ ଯାଉଥିଲା ଏକ ଟ୍ରକ। ହଠାତ୍ ଏହି ଟ୍ରକ୍ରେ ଲାଗିଗଲା ନିଆଁ। ଆଉ ଦେଖୁ ଦେଖୁ ଟ୍ରକଟି ସଂପୂର୍ଣ୍ଣ ଭାବେ ଜଳିଗଲା। ତେବେ ଅଳ୍ପକେ ବର୍ତ୍ତି ଯାଇଛନ୍ତି ଟ୍ରକ୍ର ଡ୍ରାଇଭର ଓ ହେଲପର।
ଗତ ରାତିରେ ଯାଜପୁର ଜିଲ୍ଲା ଚଣ୍ଡୀଖୋଲରୁ ଡୁବରୀକୁ ଲମ୍ବିଥିବା ୫୩ ନମ୍ବର ଜାତୀୟ ରାଜପଥର ମହିଶରା ପାଖରେ ଏହି ଘଟଣା ଘଟିଛି। ଟ୍ରକଟି ଜଳି ଯାଉଥିଲା ଦେଖି ଅଞ୍ଚଳରେ ଭୟର ବାତାବରଣ ପ୍ରକାଶ ପାଇଥିଲା। ଏହି ଟ୍ରକ୍ କଳିଙ୍ଗନଗର ଯାଉଥିଲା।
ଟ୍ରକରେ ଆପେ ନିଆଁ ଲାଗି ଯାଇଥିଲା। ତେବେ ଏହାର କାରଣ ଜଣାପଡ଼ିନି। ଗାଡ଼ିରେ କୋଇଲା ଥିବାରୁ ନିଆଁ ପୂରା ଟ୍ରକକୁ ଜାଳି ଦେଇଥିଲା। ଖବର ପାଇ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ। ପରେ ପୁଲିସ ପହଞ୍ଚି ଘଟଣାର ଅନୁଧ୍ୟାନ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
