ଦୃତ ଗତିରେ ଆସି ଅଧା ତିଆରି ବ୍ରିଜ୍‌ ତଳକୁ ଖସି ପଡ଼ିଲା ଟ୍ରକ୍

ବାରିପଦା(ଓଡ଼ିଶା ରିପୋର୍ଟର): ଅଧା ତିଆରି ଓଭର ବ୍ରିଜ୍ ଉପରେ ଅଚାନକ୍ ଦୁର୍ଘଟଣା। ଡାଇଭର୍ସନ ପାଇଁ କୌଣସି ସତର୍କ ସୂଚନା ନ ଥିବାରୁ ନିର୍ମାଣାଧୀନ ଓଭର ବ୍ରିଜ୍ ଉପରେ ଚଢ଼ିଗଲା ଦୃତଗତିରେ ଆସୁଥିବା ଟ୍ରକ୍। ଲୋକମାନେ ମନା କରିବା ସତ୍ତ୍ୱେ ଟ୍ରକ୍‌ଟି ନ ଅଟକିବାରୁ ଚାହୁଁଚାହୁଁ ବ୍ରିଜ୍ ତଳକୁ ଖସିପଡ଼ିଥିଲା। ମୟୂରଭଞ୍ଜ ଜିଲ୍ଲା ଝାଡ଼ପୋଖରିଆ ଥାନା ଜାତୀୟ ରାଜପଥ ୧୮ର ବମ୍ବେ ଛକ ନିକଟରେ ଏଭଳି ମର୍ମନ୍ତୁଦ ଦୁର୍ଘଟଣା ଘଟିଛି। ଏଥିରେ ଟ୍ରକ୍ ଡ୍ରାଇଭଙ୍କ ମୃତ୍ୟୁ ଘଟିଛି।

ଆଜି ସନ୍ଧ୍ୟା ବେଳେ ଏହି ଘଟଣା ଘଟିଛି। ସ୍ଥାନୀୟ ଲୋକଙ୍କ ମୋବାଇଲ୍ କ୍ୟାମେରାରେ ଏ ଦୃଶ୍ୟ ରେକର୍ଡ ହୋଇଛି। ରାସ୍ତା ନିର୍ମାଣକାରୀ ଠିକାସଂସ୍ଥାରେ ଗୁରୁତର ଅବହେଳା ଯୋଗୁଁ ଏଭଳି ଦୁର୍ଘଟଣା ଘଟିଥିବା ଅଭିଯୋଗ ହୋଇଛି।

ଦୁର୍ଘଟଣାଗ୍ରସ୍ତ ଟ୍ରକ୍‌ଟି ଖାଲି ଥିଲା। ଖବର ପାଇବା ପରେ ପୁଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।