ବାଲେଶ୍ୱର (ରଞ୍ଜିତ ପାକଳ): ବାଲେଶ୍ୱର ପରମିଟ୍ ଘାଟରେ ତିନିଟି ବୋଟ୍ ଜଳି ଯାଇଛି। ରୋଷେଇ ଚାଲିଥିବା ବେଳେ ବୋଟ୍ରେ ନିଆଁ ଲାଗିଥିବା ଜଣାପଡ଼ିଛି। ମାତ୍ର ଏଥିରେ କେହି ମୃତାହତ ହୋଇନାହାନ୍ତି।
ପୂରା ଘଟଣା ଏମିତି। ଆଜି ସନ୍ଧ୍ୟା ବେଳେ ବୋଟ କର୍ମଚାରୀମାନେ ଘାଟରେ ଥିବା ଗୋଟିଏ ବୋଟ୍ରେ ରୋଷେଇ କରୁଥିଲେ। ମାତ୍ର ଅସାବଧାନତା ଯୋଗୁ ବୋଟ୍ରେ ଥିବା ଡିଜେଲ୍ରେ ନିଆଁ ଲାଗି ଯାଇଥିଲା। କ୍ଷଣକ ଭିତରେ ଏହି ନିଆଁ ପାଖରେ ଥିବା ଅନ୍ୟ ବୋଟକୁ ବ୍ୟାପି ଯାଇଥିଲା। ନିଆଁ ଏତେ ଭୟଙ୍କର ଥିଲା ଯେ ସ୍ଥାନୀୟ ଲୋକେ ତାକୁ ଆୟତ୍ତ କରିପାରି ନଥିଲେ।
ଖବର ପାଇ ଅଗ୍ନିଶମ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। କିନ୍ତୁ ସେତେବେଳକୁ ଦୁଇଟି ବୋଟ୍ ଜଳି ଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
