ଭବାନୀପାଟଣା(ରାଜ କୁମାର ସିଂହଦେଓ): ଧାନ ବୋଝେଇ ଟ୍ରକ୍ରେ ପିଟିହେଲା ବାଇକ୍। ଘଟଣା ସ୍ଥଳରେ ଶଳା ଓ ଭିଣୋଇଙ୍କ ମୃତ୍ୟୁ ଘଟିଥିବା ବେଳେ ଭଣଜା ଗୁରୁତର ଆହତ ହୋଇଛନ୍ତି। ଆଜି ଏମିତି ଭୟଙ୍କର ଦୁର୍ଘଟଣା କଳାହାଣ୍ଡି ଜିଲ୍ଲାରେ ଘଟିଛି।
ଆଗକୁ ପଢନ୍ତୁ : ଷଣ୍ଢ ଧକ୍କାରେ ଜଳିଗଲା କାର୍!
ଆଜି ସନ୍ଧ୍ୟା ବେଳେ କେସିଙ୍ଗା ରାମ ଭୋଇ, ତାଙ୍କ ବାପା ଡେଙ୍ଗା ଭୋଇ ଓ ମାମୁ ଲଟକା ଏକ ବାଇକ୍ରେ ଯାଉଥିଲେ। ତେବେ ୨୬ ନମ୍ୱର ଜାତୀୟ ରାଜପଥରେ ଏକ ଧାନ ବୋଝେଇ ଟ୍ରକରେ ପିଟି ହୋଇଯାଇଥିଲେ ରାମ ଭୋଇଙ୍କ ବାଇକ୍। ଫଳରେ ଘଟଣା ସ୍ଥଳରେ ରାମଙ୍କ ବାପା ଓ ମାମୁଙ୍କ ମୃତ୍ୟୁ ଘଟିଥିଲା। ସ୍ଥାନୀୟ ଲୋକେ ରାମକୁ ଗୁରୁତର ଅବସ୍ଥାରେ ଉଦ୍ଧାର କରି କେସିଙ୍ଗା ମେଡିକାଲ୍ରେ ଭର୍ତ୍ତି କରିଥିଲେ। ତାଙ୍କର ସ୍ୱାସ୍ଥ୍ୟ ଅବସ୍ଥା ଉଦ୍ବେଗ ଜନକ ରହିଛି।
ଅନ୍ୟପକ୍ଷରେ ଦୁର୍ଘଟଣା ପରେ ଧାନ ବୋଝେଇ ଟ୍ରକ ଛାଡି ଡ୍ରାଇଭର ଫେରାର ହୋଇଯାଇଛି। ଖବର ପାଇ ଘଟଣା ସ୍ଥଳରେ ପୁଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।