ଉମରକୋଟ (ଓଡ଼ିଶା ରିପୋର୍ଟର): ଏକ ଚିପିସ୍ ବୋଝେଇ ଟ୍ରାକ୍ଟର ଧକ୍କାରେ ଦୁଇ ବାଇକ୍ ଆରୋହୀଙ୍କ ମୃତ୍ୟୁ ଘଟିଛି। ଏ ଘଟଣା ଘଟିଛି ନବରଙ୍ଗପୁର ଜିଲ୍ଲା ଉମରକୋଟ ଥାନା ଅନ୍ତର୍ଗତ ପୁରୁଲା ଛକରେ।
ମୃତକ ଦ୍ୱୟ ହେଲେ ସଦା ପନକା ଓ ଭଦର ପନକା। ସଦାଙ୍କ ଘର ଚାଟିଗୁଡ଼ାରେ ହୋଇଥିବା ବେଳେ ଭଦରଙ୍କ ଘର ମେଦନା ଗାଁରେ।
ଏ ଦୁହେଁ ଏକ ବାଇକ୍ରେ ଧଡ୍ରା ବଜାରରୁ ଡିଜେଲ ନେଇ ଫେରୁଥିବା ସମୟରେ ବିପରୀତ ଦିଗରୁ ଦ୍ରୁତ ଗତିରେ ଆସୁଥିବା ଚିପ୍ସ ବୋଝେଇ ଟ୍ରାକ୍ଟରଟି ସେମାନଙ୍କୁ ଧକ୍କା ଦେଇଥିଲା। ଘଟଣାସ୍ଥଳରେ ହିଁ ସେମାନଙ୍କ ମୃତ୍ୟୁ ଘଟିଥିଲା।
ସୂଚନାଯୋଗ୍ୟ, ଦ୍ରୁତ ଗତିରେ ଗାଡ଼ି ଚଳାଇବା,ଟ୍ରାଫିକ୍ ନିୟମ ନ ମାନିବା ଏବଂ ମଦ ପିଇ ଗାଡ଼ି ଚଳାଇବା ଯୋଗୁଁ ପ୍ରତିଦିନ ଉମରକୋଟ ଅଞ୍ଚଳରେ ଏଭଳି ଦୁର୍ଘଟଣା ଘଟୁଛି। ଲୋକଙ୍କୁ ଆହୁରି ସଚେତନ କରିବା ଜରୁରୀ ହୋଇଥିବା ବେଳେ ପୁଲିସ୍ ବି ସକ୍ରିୟ ହେବା ଦରକାର ବୋଲି ସ୍ଥାନୀୟ ବୁଦ୍ଧିଜୀବୀ ମତ ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
