ଭୁବନେଶ୍ୱର(ଓଡ଼ିଶା ରିପୋର୍ଟର): ନିର୍ବାଚନ ଉଷ୍ମତା ମଧ୍ୟରେ ଦୁଇ ଓଡ଼ିଆ ସିନେ ଅଭିନେତା ଅଖିଳ ପଟ୍ଟନାୟକ ଓ ବିଦୁସ୍ମିତା ମନ୍ତ୍ରୀ ଆଜି ଆନୁଷ୍ଠାନିକ ଭାବେ ବିଜେପିରେ ସାମିଲ ହୋଇଛନ୍ତି। ଏମାନଙ୍କ ବ୍ୟତୀତ ମହାକାଳପଡ଼ାର ଅବସରପ୍ରାପ୍ତ ସରକାରୀ କର୍ମଚାରୀ ପଦ୍ମନାଭ ଚୌଧୁରୀ ମଧ୍ୟ ବିଜେପିରେ ସାମିଲ ହୋଇଛନ୍ତି।
ରାଜ୍ୟ କାର୍ଯ୍ୟାଳୟରେ ଆୟୋଜିତ ମିଶ୍ରଣ ପର୍ବରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ବିଜେପି ରାଷ୍ଟ୍ରୀୟ ଉପସଭାପତି ବୈଜୟନ୍ତ ପଣ୍ଡା, ବରିଷ୍ଠ ନେତା ବିଶ୍ୱଭୂଷଣ ହରିଚନ୍ଦନ, ବିଜୟ ମହାପାତ୍ର, ଡାକ୍ତର ଦାମୋଦର ରାଉତ, ଓଡ଼ିଶା ବିଜେପି ପ୍ରଭାରୀ ଅରୁଣ ସିଂହ ଓ ପ୍ରମୁଖ ନେତାମାନେ ସେମାନଙ୍କୁ ଦଳରେ ସ୍ୱାଗତ କରିଥିଲେ।
ସୂଚନାଯୋଗ୍ୟ, ଅଭିନେତ୍ରୀ ବିଦୁସ୍ମିତାଙ୍କ ପତି ଅନନ୍ତ ଦାସଙ୍କୁ ବିଜେପି ବଲାଙ୍ଗୀରରୁ ବିଧାୟକ ପ୍ରାର୍ଥୀ କରିଛି।