ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ବଲାଙ୍ଗିର(ଓଡ଼ିଶା ରିପୋର୍ଟର): ସମସ୍ତଙ୍କର ଇଚ୍ଛା ମୋ ପାଖରେ କାର୍‌ଟିଏ ଥାଆନ୍ତା କି ? କିନ୍ତୁ ଅର୍ଥ ସାଜେ ବାଧକ। କାରଣ କାର୍‌ଟିଏ କିଣିବାକୁ ଲକ୍ଷ ଲକ୍ଷ ଟଙ୍କା ଗଣିବାକୁ ପଡ଼ିଥାଏ। ତେଣୁ ଇଚ୍ଛା ଥାଇ ବି ଲୋକେ କାର୍‌ଟିଏ କିଣି ପାରନ୍ତି ନାହିଁ। କିନ୍ତୁ ବଲାଙ୍ଗିରର କିଛି ଛାତ୍ର ୫୦ ହଜାର ଟଙ୍କାରେ ତିଆରି କରିଛନ୍ତି ମିନି କାର୍।</p> <p>ବଲାଙ୍ଗିର ସହରର ରାସ୍ତାରେ ଏବେ ଗଡୁଛି ଏହି ଟୁ ସିଟେଡ୍‌ ମିନି କାର୍‌। ନିଜର ଅକ୍ଲାନ୍ତ ପରିଶ୍ରମରେ ଏହି ମିନି କାର୍ ତିଆରି କରିଛନ୍ତି ସରକାରୀ ପଲିଟେକନିକର ଛାତ୍ରମାନେ। ପାଠ୍ୟକ୍ରମରେ ଥିବା ପ୍ରୋଜେକ୍ଟରେ ଏକ ମିନି କାର୍ କରିବାକୁ ମନସ୍ତ କରିଥିଲେ ଶେଷ ବର୍ଷର ୩୦ ଜଣ ଛାତ୍ର। ଆଉ ତାକୁ ସାକାର ବି କରିଛନ୍ତି। ଏଥିପାଇଁ ପ୍ୟାଲେସ ଲାଇନ ପଡାର ଅଟୋମୋବାଇଲ ଇଂଜିନିୟର ରାହୁଲ ପାଢୀଙ୍କ ସାହାଯ୍ୟ ବି ନେଇଛନ୍ତି ଛାତ୍ରମାନେ। ନିଜ ନିଜ ଭିତରେ ପଇସା ଆଦାୟ କରି ଦେଢମାସରେ ତିଆରି କରିଛନ୍ତି କାର୍‌।</p> <p>ଏହି କାର୍‌ର ବିଶେଷତ୍ୱ ହେଉଛି, ଏହା ପେଟ୍ରୋଲରେ ଚାଲୁଛି। ଘଣ୍ଟାପ୍ରତି ୫୦ କିଲୋମିଟର ବେଗରେ ଚାଲୁଥିବାବେଳେ ଏହି କାର୍‌ ପ୍ରତି ଲିଟରରେ ପାଖାପାଖି ୪୫ କିଲୋମିଟର ଚାଲୁଛି। ଏଥିସହିତ କାର୍‌ରେ ଅଟୋମେଟିକ ଚ୍ୟାନଟାଇଟିଂ ସିଷ୍ଟମ ଲାଗିଥିବାରୁ ବାରମ୍ବାର ମେକାନିକଙ୍କ ପାଖକୁ ଯିବାକୁ ପଡିବ ନାହିଁ। ସ୍କୁଟରର ଚକ, ଫୋର ହ୍ୱିଲରର ଷ୍ଟିଅରିଂ, ବାଇକ୍‌ର ଇଞ୍ଜିନକୁ ନେଇ ତିଆରି ହୋଇଛି ଏହି କାର୍‌। ଏହି ମିନି କାର୍‌ ପାଇଁ ସେମିତି କିଛି ମେନଟେନସ୍‌ର ବି ଆବଶ୍ୟକ ନାହିଁ।</p> <p>ସରକାରଙ୍କ ତରଫରୁ କିଛି ସୁବିଧା ସୁଯୋଗ ମିଳିଲେ ଏହାକୁ ଫୋର ସିଟେଟ୍‌ ବା ଚାରି ଜଣ ବସିବା ଭଳି ମଧ୍ୟ ତିଆରି କରାଯାଇପାରିବ ବୋଲି କହିଛନ୍ତି ଅଟୋମୋବାଇଲ ଇଂଜିନିୟର। ପିଲାଙ୍କ ଏଭଳି ଉଦ୍ୟମରେ ସ୍ଥାନୀୟ ବାସିନ୍ଦା ବି ବେଶ୍ ଖୁସୀ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
