ଉଲିବୁରୁ ଖଣି ଦୁର୍ନୀତି ମାମଲା: ମୁଖ୍ୟ ଅଭିଯୁକ୍ତ ଦୀପକ ଗୁପ୍ତା ଅସୁସ୍ଥ, ଡାକ୍ତରଖାନାରେ ଭର୍ତ୍ତି

<p>କେନ୍ଦୁଝର: ଉଲିବୁରୁ ଖଣି ଦୁର୍ନୀତି ମାମଲାରେ ଗିରଫ ମୁଖ୍ୟ ଅଭିଯୁକ୍ତ ଦୀପକ ଗୁପ୍ତା ଅସୁସ୍ଥ ହୋଇପଡ଼ିଛନ୍ତି। &nbsp;ଗତ ରାତିରେ ସେ ଛାତିରେ ଯନ୍ତ୍ରଣା ଅନୁଭବ କରିବାରୁ ତାଙ୍କୁ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ପ୍ରଥମେ ଜେଲ୍&zwnj; ଡାକ୍ତର ତାଙ୍କୁ ପ୍ରାଥମିକ ଚିକିତ୍ସା କରିଥିଲେ। ପରେ ତାଙ୍କୁ ଜିଲ୍ଲା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା। ଏବେ କେନ୍ଦୁଝର ଡାକ୍ତରଖାନାର ମେଡିସିନ୍ ୱାର୍ଡରେ ସେ ଚିକିତ୍ସାଧୀନ ଅଛନ୍ତି। ତାଙ୍କ ସ୍ୱାସ୍ଥ୍ୟାବସ୍ଥା ଭଲ ଥିବା ଡାକ୍ତର କହିଛନ୍ତି।</p> <p>ଗତ ୨୪ ତାରିଖରେ ହାଇକୋର୍ଟ ଦୀପକ ଗୁପ୍ତାଙ୍କ ଜାମିନ ଆବେଦନକୁ ପୁଣି ଥରେ ଖାରଜ କରି ଦେଇଥିଲେ। ଜାମିନ ପାଇଲେ ସେ ପ୍ରମାଣ ନଷ୍ଟ କରିବାର ସମ୍ଭାବନା ଥିବା ଦର୍ଶାଇ କୋର୍ଟ ତାଙ୍କ ଆବେଦନକୁ ଖାରଜ କରି ଦେଇଥିଲେ। ଏହାକୁ ମିଶାଇ &nbsp;ହାଇକୋର୍ଟ ଚାରି ଥର ତାଙ୍କ ଜାମିନ ଆବେଦନକୁ ଖାରଜ କରି ସାରିଲେଣି। ଚାରି ବର୍ଷ ହେଲାଣି ସେ ବିଚାର ବିଭାଗୀୟ ହାଜତରେ ଅଛନ୍ତି।</p> <p>ସୂଚନାଯୋଗ୍ୟ ୨୦୧୩ ଜୁନ୍ ୨୫ ତାରିଖରେ ଓଟିଭିରେ ପ୍ରଥମେ ୧୮୦୦ କୋଟି ଟଙ୍କାର ଉଲିବୁରୁ ଖଣି ଲୁଟ୍ ସମ୍ପର୍କିତ ଖବର ପ୍ରସାରଣ କରିଥିଲା। ଏହାର ଦୁଇଦିନ ପରେ ତଦନ୍ତ ଆରମ୍ଭ ହୋଇଥିଲା। ମାମଲାର ମୁଖ୍ୟ ଅଭିଯୁକ୍ତ ଦୀପକ ଗୁପ୍ତାଙ୍କ ସମେତ ୨୫ଜଣଙ୍କ ନାଁରେ ଭିଜିଲାନ୍ସ କୋର୍ଟରେ ଚାର୍ଜସିଟ୍ ଦାଖଲ ହୋଇଥିଲା।&nbsp;୨୦୧୩ର ସେପ୍ଟେମ୍ବର ମାସରେ ତାଙ୍କୁ ଭିଜିଲାନ୍ସ ପକ୍ଷରୁ ଗିରଫ କରାଯାଇଥିଲା।</p> <p>[vc_video link=&quot;&quot; align=&quot;center&quot;]</p> <p>&amp;nbsp;</p>