ସୋର(ଶଶକିକାନ୍ତ ବେହେରା):ରାତି ଅଧରେ ମହିଳାଙ୍କ ଘରକୁ ଯାଇ ଛେଚା ଖାଇଲେ ଯୁବକ। ଗାଁର କିଛି ପୁରୁଷଙ୍କ ସହ ମହିଳାମାନେ ମିଶି ସମ୍ପୃକ୍ତ ଯୁବକଙ୍କୁ ଏକ ଗଛରେ ବାନ୍ଧି ନିସ୍ତୁକ ମାଡ଼ ମାରିଛନ୍ତି। ଏହି ଭିଡିଓ ଏବେ ସୋଶାଲ ମିଡିଆରେ ଭାଇରାଲ ହୋଇଛି। ଘଟଣା ଘଟିଛି ବାଲେଶ୍ୱର ଜିଲ୍ଲା ଖଇରା ଥାନା ଅନ୍ତର୍ଗତ କୁପାରୀ ଅଞ୍ଚଳରେ।
ଗତ ୭ ତାରିଖରେ କୁପାରୀ ଅଞ୍ଚଳର ଜଣେ ଯୁବକ ଜଣେ ମହିଳାଙ୍କ ଘରକୁ ରାତିରେ ଯାଇଥିଲେ। ଏହି ସମୟରେ ଗାଁର ମହିଳା ଓ ପୁରୁଷ ତାଙ୍କୁ ଟାଣି ଆଣି ଗଛରେ ବାନ୍ଧି ଦେଇଥିଲେ। ଏହାପରେ ତାଙ୍କ ଗୋଡ଼ହାତ ବାନ୍ଧି ନିସ୍ତକୁ ମାଡ଼ ମାରିଥିଲେ। ତେବେ ଏନେଇ ଖଇରା ଥାନାରେ ଅଭିଯୋଗ ହୋଇନଥିବା ଜଣାପଡ଼ିଛି।