ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ସେକ୍ସ ଭିଡିଓ ଭାଇରାଲ ପଛରେ ଉନ୍ମୟ ପାଢ଼ୀଙ୍କ ହାତ ରହିଛି। ନିଜେ ହିଁ ନିଜର ସେକ୍ସ ଭିଡିଓ ଭିଡିଓ ଭାଇରାଲ୍ କରିଛନ୍ତି। ଏମିତି ଚାଞ୍ଚଲ୍ୟକର ତଥ୍ୟ ଦେଇଛି ପୋଲିସ। ମାତ୍ର ତାଙ୍କୁ ହତ୍ୟା କିଏ କରିଛି, ତାହା ଜଣାପଡ଼ିନାହିଁ। ପୋଲିସ ଭାଇରାଲ୍‌ ଭଡିଓ ଲିଙ୍କକୁ ନେଇ ତଦନ୍ତ ଆରମ୍ଭ କରୁଛି। ଅନ୍ୟପକ୍ଷରୁ ସନ୍ଦେହ ଘେରରେ ଥିବା ଯୁବତୀ, ତାଙ୍କ ଭାଇ ଓ ପୁରୁଷ ବନ୍ଧୁଙ୍କୁ ଜେରା କରି ପୋଲିସ ଆଜି ଛାଡ଼ି ଦେଇଛି।</p> <p>ପୋଲିସ ସୂଚନା ଅନୁସାରେ, ସେକ୍ସ ଭିଡିଓରେ ଥିବା ଯୁବତୀ ଓ ତାଙ୍କ ପୁରୁଷ ବନ୍ଧୁଙ୍କ ସାଙ୍ଗ ଫୋନ ନମ୍ବର ନେଇ ଉନ୍ମୟ ପାଢ଼ୀ ଏକ ହ୍ୱାଟ୍ସଆପ୍‌ ଗ୍ରୁପ କରିଥିଲେ। ସେହି ଗ୍ରୁପ ଜରିଆରେ ନିଜର ଓ ସେହି ଯୁବତୀଙ୍କ ସେକ୍ସ ଭିଡିଓକୁ ଭାଇରାଲ କରାଯାଇଥିଲା। ଏପରିକି ସେସବୁ ଭିଡିଓକୁ ଅନେକ ପର୍ଣ୍ଣ ସାଇଟ୍‌ରେ ଅପ୍‌ଲୋଡ୍‌ କରାଯାଇଥିଲା। ଏବେ ପ୍ରଶ୍ନ ଉଠୁଛି ସେକ୍ସ ଭିଡିଓ ଭାଇରାଲ ଓ ଉନ୍ମୟ ପାଢ଼ୀ ହତ୍ୟା ମାମଲାର କିଛି ସଂପର୍କ ଅଛି କି? ଯଦି ସେ ନିଜେ ଭାଇରାଲ କରିଛନ୍ତି, ତେବେ ତାଙ୍କୁ କିଏ ହତ୍ୟା କଲା? ହତ୍ୟାକାଣ୍ଡ ପଛରେ ତୃତୀୟ ପକ୍ଷର ହାତ ଥାଇପାରେ ବୋଲି ପୋଲିସ ସନ୍ଦେହ କରୁଛି। ତେବେ କିଏ ହୋଇପାରେ ସେହି ତୃତୀୟ ପକ୍ଷ?</p> <p>ଅନ୍ୟପକ୍ଷରେ ପୋଲିସ ଦୁଇ ଦିନ ଧରି ଅଟକ ରଖି ସେକ୍ସ ଭିଡିଓରେ ଥିବା ଯୁବତୀ, ତାଙ୍କ ଭାଇ ଓ ପୁରୁଷ ବନ୍ଧଙ୍କୁ ପଚରା ଉଚରା କରି ଛାଡ଼ି ଦେଇଛି। ଦରକାର ପଡ଼ିଲେ ପୁଣି ଥରେ ଡାକିବ ପୋଲିସ। ଶବ ବ୍ୟବଚ୍ଛେଦ ରିପୋର୍ଟ, ଫୋରେନସିକ ରିପୋର୍ଟ, ପାରିପାର୍ଶ୍ୱୀକ ସ୍ଥିତି ଓ ପଚରା ଉଚରାରୁ ମିଳିଥିବା ତଥ୍ୟକୁ ଆଧାର କରି ଉନ୍ମୟ ପାଢ଼ୀ ହତ୍ୟାକାଣ୍ଡର ପର୍ଦ୍ଦାଫାଶ କରିବ ବୋଲି ପୋଲିସ ଆଶା ରଖିଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
