ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜ୍ୟରେ ଶୀତ ଲହରି ଜାରି ରହିଛି। ଗତକାଲି ରାତିରେ ରାଜ୍ୟର ୧୩ଟି ସ୍ଥାନରେ ସର୍ବନିମ୍ନ ତାପମାତ୍ର ୧୦ ଡିଗ୍ରୀ ତଳେ ରହିଥିଲା। ଦାରିଙ୍ଗବାଡ଼ିରେ ସର୍ବନିମ୍ନ ତାପମାତ୍ରା ୪ ଡିଗ୍ରୀ ରେକର୍ଡ କରାଯାଇଥିବା ବେଳେ ଝାରସୁଗୁଡ଼ାରେ ୫.୬ ଡିଗ୍ରୀ ରହିଥିଲା। ତେବେ ପାଣିପାଗ ବିଭାଗର ଆକଳନ ଅନୁଯାୟୀ ରାଜ୍ୟରେ ଶୀତ ଆହୁରି ବଢ଼ିବ।
ବିଭାଗ ପକ୍ଷରୁ କୁହାଯାଇଛି, ଉତ୍ତର-ଉତ୍ତର ପଶ୍ଚିମ ଦିଗରୁ ଥଣ୍ଡା ପବନ ଆସୁଥିବାରୁ ରାଜ୍ୟରେ ଶୀତ ବଢ଼ିବ। ଆସନ୍ତା ଦୁଇ ତିନି ଦିନ ପର୍ଯ୍ୟନ୍ତ ରାଜ୍ୟରେ ତାପମାତ୍ରା ସ୍ୱାଭାବିକ ଠାରୁ ୪ରୁ ୬ ଡିଗ୍ରୀ ହ୍ରାସ ପାଇବ।
ସେହିଭଳି ପ୍ରବଳ ଶୀତ ନେଇ ଆଜି ପାଇଁ ସତର୍କ ସୂଚନା ଜାରି କରିଛି ପାଣିପାଗ ବିଭାଗ। ମୋଟ ୧୪ଟି ଜିଲ୍ଲାକୁ ଆଜିଠୁ ଆସନ୍ତାକାଲି ସକାଳ ସାଢ଼େ ୮ଟା ପର୍ଯ୍ୟନ୍ତ ୟେଲୋ ୱାର୍ଣ୍ଣିଂ ଜାରି କରାଯାଇଛି। ଏହି ଜିଲ୍ଲା ଗୁଡ଼ିକ ହେଉଛି- ସୁନ୍ଦରଗଡ଼, ଝାରସୁଗୁଡ଼ା, ବରଗଡ଼, କେନ୍ଦୁଝର, ମୟୂରଭଞ୍ଜ, ବାଲେଶ୍ୱର, ସୋନପୁର, ବୌଦ୍ଧ, କନ୍ଧମାଳ, ଭଦ୍ରକ, ଅନୁଗୋଳ, ଢେଙ୍କାନାଳ, ଦେବଗଡ଼ ଓ ସମ୍ବଲପୁର।
ଏହି ସବୁ ଜିଲ୍ଲାବାସୀଙ୍କୁ ଆଜି ରାତିରେ ଓ ତଥା ଆସନ୍ତାକାଲି ସକାଳୁ ସକାଳୁ ଘରୁ ନବାହାରିବାକୁ ପରାମର୍ଶ ଦିଆଯାଇଛି। ଦୁଇ ଚକିଆ ଗାଡ଼ି ବା ଖୋଲା କାରରେ ଯା’ଆସ ନ କରିବାକୁ ମଧ୍ୟ କୁହାଯାଇଛି। ସେହିଭଳି ଶୀତରୁ ରକ୍ଷା ପାଇବା ପାଇଁ ଏକାଧିକ ବସ୍ତ୍ର ପିନ୍ଧିବାକୁ କୁହାଯାଉଛି।
#ପ୍ରେସବିଜ୍ଞପ୍ତି: ଆଗାମୀ ୨ ରୁ ୩ ଦିନ ଯାଇଁ ଓଡ଼ିଶାର କିଛି ଜିଲ୍ଲାରେ #ଶୀତ #ଲହରୀ ଏବଂ ତୀବ୍ର ଶୀତ ଲହରୀ ପରିସ୍ଥିତି ସମ୍ଭାବନା#coldwave #WeatherUpdate #WeatherForecast pic.twitter.com/OVyzEWFH2O
— Meteorological Centre, Bhubaneswar (@mcbbsr) December 20, 2021
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
