ସାମ୍ ମେଟାଲିକ୍ସରେ ଦୁର୍ଘଟଣା: ଜଣେ ଶ୍ରମିକ ମୃତ

ସମ୍ୱଲପୁର: ସମ୍ବଲପୁର ରେଙ୍ଗାଲି ସ୍ଥିତ ସାମ୍ ମେଟାଲିକ୍ସ କାରଖାନାରେ ଦୁର୍ଘଟଣା। ଦୁର୍ଘଟଣାରେ ଜଣେ ଶ୍ରମିକଙ୍କ ମୃତ୍ୟୁ ହୋଇଛି। ତାଙ୍କ ନାଁ ଗୁଡୁ କୁମାର ସାହାଣୀ। ସେ ଏସଏମଏସ୍-ଟୁ ଫର୍ଣ୍ଣେସ୍‌ରୁ ଖସି ପଡିଥିବା ସୂଚନା ମିଳିଛି। ଗୁରୁତର ଅବସ୍ଥାରେ ତାଙ୍କୁ ବୁର୍ଲା ମେଡିକାଲ ନିଆଯିବା ବାଟରେ ମୃତ୍ୟୁ ଘଟିଥିଲା।

ଏହି ଘଟଣାକୁ ନେଇ କାରଖାନା ପରିସରରେ ଉତ୍ତେଜନା ପ୍ରକାଶ ପାଇଛି। କାରଖାନାରେ ବରମ୍ବାର ଦୁର୍ଘଟଣା ରୋକିବାକୁ ପଦକ୍ଷେପ ସହ ମୃତ ଶ୍ରମିକଙ୍କ ପରିବାରକୁ କ୍ଷତିପୂରଣ ଦାବିରେ କାରଖାନା ମୁଖ୍ୟ ଫାଟକ ଆଗରେ ଶ୍ରମିକମାନେ ଧାରଣା ଦେଇଛନ୍ତି।