ପୁରୀ (ଓଡ଼ିଶା ରିପୋର୍ଟର): ଦିନକୁ ଦିନ ଘାତକ ହେବାରେ ଲାଗିଛି ସେଲ୍ଫି ନିଶା। ବାରଣ ସତ୍ତ୍ୱେ ବିପଦପୂର୍ଣ୍ଣ ସେଲ୍ଫି ନେଉଛନ୍ତି ଯୁବପିଢ଼ି। ଯାହାଫଳରେ ଅନେକ ସମୟରେ ମୃତ୍ୟୁ ମୁଖରେ ପଡ଼ୁଛନ୍ତି। ଆଜି ଏମିତି ଏକ ଘଟଣା ଶ୍ରୀକ୍ଷେତ୍ର ପୁରୀରେ ଦେଖିବାକୁ ମିଳିଛି।
ମଧ୍ୟପ୍ରଦେଶର ଗ୍ୱାଲିଅର ଅଞ୍ଚଳ ରାଘବେନ୍ଦ୍ର ଓ ତାଙ୍କ ଦାଦା ଶ୍ରୀକ୍ଷେତ୍ର ବୁଲି ଆସିଥିଲେ। ମହାପ୍ରଭୁଙ୍କୁ ଦର୍ଶନ ପୂର୍ବରୁ ସମୁଦ୍ରରେ ଗାଧୋଇବାକୁ ଯାଇଥିଲେ। ଗାଧୋଇବା ବେଳେ ରାଘବେନ୍ଦ୍ର ଓ ତାଙ୍କ ଦାଦା ସମୁଦ୍ର ଭିତରେ ସେଲ୍ଫି ନେଇଥିଲେ। ପରେ ରାଘବେନ୍ଦ୍ରଙ୍କ ଦାଦା ମୋବାଇଲ୍ ରଖିବା ପାଇଁ କୂଳକୁ ଆସିଥିଲେ। ଏହି ସମୟରେ ଏକ ବଡ଼ ଲହଡ଼ି ମାଡ଼ି ଆସିଥିଲା। ଫଳରେ ରାଘବେନ୍ଦ୍ର ଭାସି ଯାଇଥିଲେ। କିଛି ସମୟ ପରେ ତାଙ୍କର ମୃତଦେହ ସମୁଦ୍ରରୁ ଉଦ୍ଧାର କରାଯାଇଛି।