ସେଲଫି ହେଲା କାଳ, ନଦୀକୁ ଖସି ପଡ଼ିଲେ ଯୁବକ

ରାୟଗଡ଼ା(ମନୋଜ ପାତ୍ର ): ସେଲଫି ହେଲା କାଳ । ରାୟଗଡାର ନାଗାବଳୀ ନଦୀର ଝୁଲାପୋଲ ନିକଟରେ ସେଲଫି ନେବା ବେଳେ ଜଣେ ଯୁବକ ନିଖୋଜ ହୋଇ ଯାଇଛନ୍ତି । ନିଖୋଜ ଯୁବକଜଣକ ହେଉଛନ୍ତି ବିଲାଲ ଅନସାରି  ଓ ସେ ଉତ୍ତରପ୍ରଦେଶ ସାମଳି ଲିଲ୍ଲା ଝିଂଜାନା ଗ୍ରାମର । ବିଲାଲ ରାୟଗଡ଼ାରେ ରହି ଫେରିବାଲା ଭାବେ ଜିନିଷ ପତ୍ର ବିକ୍ରି କରୁଥିଲେ ।

ରବିବାର ବିଲାଲ ନିଜ ସାଙ୍ଗମାନଙ୍କ ସହିତ ନାଗାବଳୀ ଝୁଲାପୋଲ ନିକଟକୁ ବୁଲିବାକୁ ଯାଇଥିଲେ । ହେଲେ ସେଲଫି ନେବାବେଳେ ବିଲାଲ ହଠାତ୍‌ ପାଣି ଭିତରକୁ ଖସି ପଡ଼ି ନିଖୋଜ ହୋଇ ଯାଇଥିଲେ ।  ଏ ନେଇ ତାଙ୍କ ସହଯୋଗୀମାନେ ରାୟଗଡା ଥାନାରେ ଏତଲା ଦେବା ପରେ ଆଜି ଅଗ୍ନିଶମ ବାହିନୀ ପହଞ୍ଚି ଖୋଜାଖୋଜି ଚଳାଇଛନ୍ତି । ନିଖୋଜ ଯୁବକଙ୍କ ପତ୍ତା ମିଲିନି ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।