ଅହମ୍ମଦାବାଦ (ଓଡ଼ିଶା ରିପୋର୍ଟର): ଗୁଜରାତର ଅହମ୍ମଦାବାଦରେ ଦେଖିବାକୁ ମିଳିଚି ଏକ ଆଶ୍ଚର୍ଯ୍ୟ ଘଟଣା। ଜଣେ ନବଜାତ ଶିଶୁର ୭ଟି ଦାନ୍ତ ଥିବା ଦେଖିବାକୁ ମିଳିଛି। ଆଶ୍ଚର୍ଯ୍ୟ ଲାଗୁଥାଇ ପାରେ, ହେଲେ ଘଟଣାଟି ସମ୍ପୂର୍ଣ୍ଣ ସତ। ଜନ୍ମ ପରେ ଶିଶୁଟିକୁ ଯେତେବେଳେ ତା’ର ମାଆ କ୍ଷୀର ପିଆଇବା ଆରମ୍ଭ କଲେ ଏହି ଘଟଣା ଜଣାପଡିଥିଲା।
ଜନ୍ମ ହେବା ପୂର୍ବରୁ ପିଲାଙ୍କର ଦାନ୍ତ ଉଠିବାର ବହୁତ ନଜିର ରହିଛି। ହେଲେ ୭ଟି ଦାନ୍ତ ସହ ପିଲା ଜନ୍ମ ହେବା ବିଶ୍ୱରେ ପ୍ରଥମ ଘଟଣା ବୋଲି ଡାକ୍ତରମାନେ କହିଛନ୍ତି।
ଶିଶୁଟିର ତଳ ମାଢ଼ିରେ ଏହି ୭ଟି ଦାନ୍ତ ଉଠିଥିଲା, ଯାହା ଅତ୍ୟନ୍ତ ଦୃର୍ବଳ ଥିଲା। ଏହା ଯେକୌଣସି ସମୟରେ ଝଡି ଯିବାର ଆଶଙ୍କା ଥିଲା। ଦାନ୍ତ ଝଡି ପିଲାର ପେଟକୁ ଚାଲିଯିବାର ଭୟ ଥିବାରୁ ଡାକ୍ତରମାନେ ସର୍ଜରୀ କରି ସବୁ ଦାନ୍ତକୁ ବାହାର କରିଦେଇଛନ୍ତି।
ନ୍ୟାସନାଲ ଇଷ୍ଟିଚ୍ୟୁଟ୍ ଅଫ୍ ହେଲ୍ଥ ଅନୁସାରେ ୩୦୦୦ରେ ଗୋଟେ ପିଲା ଦାନ୍ତ ସହ ଜନ୍ମ ହୋଇଥାନ୍ତି। ଶିଶୁର ଗର୍ଭାବସ୍ଥାରେ ଖାଦ୍ୟ ଅଭାବ କିମ୍ପା ଜେନେଟିକ୍ ସମସ୍ୟା ଯୋଗୁଁ ଏପରି ହୋଇଥାଏ ବୋଲି ବିଶେଷଜ୍ଞମାନେ ମତ ଦେଉଛନ୍ତି।