କାଲିଫର୍ଣ୍ଣିଆ: ଆପଣ ଅନେକ ବିବାହ ଦେଖିଥିବେ। ଅନେକ ବିବାହ ସଂପର୍କରେ ଶୁଣିଥିବେ ମଧ୍ୟ। କିନ୍ତୁ ଆଜି ଆମେ ଏପରି ଏକ ବିବାହ ସମ୍ପର୍କରେ କହିବୁ ଯାହା ବିଷୟରେ ଶୁଣିଲା ମାତ୍ରେ ଆପଣ ଚକିତ ହୋଇଯିବେ। କାଲିଫର୍ଣ୍ଣିଆରେ ରହୁଥିବା ଜେମ୍ସ (୩୫) ଓ ଏସ୍ଲେ (୩୨) ୧୭ ହଜାର ଫୁଟ୍ ଉଚ୍ଚତା ବିଶିଷ୍ଟ ମାଉଣ୍ଟ୍ ଏଭରେଷ୍ଟରେ ବିବାହ କରିଛନ୍ତି।
ଏଭରେଷ୍ଟରେ ବିବାହ କରିବା ସେମାନଙ୍କର ସ୍ୱପ୍ନ ଥିଲା। ନିଜ ବିବାହକୁ ସ୍ୱତନ୍ତ୍ର କରିବା ପାଇଁ ପ୍ରାୟ ଏକ ବର୍ଷ ହେଲା ସେମାନେ ଯୋଜନା ପ୍ରସ୍ତୁତ କରିଥିଲେ। ପାରମ୍ପରିକ ବିବାହଠାରୁ କିଛି ଅଲଗା କରିବାକୁ ଚାହୁଁଥିଲେ। ସେଥିପାଇଁ ସେମାନେ ହଜାରେ ମାଇଲ୍ ଯାତ୍ରା କରି ନେପାଳରେ ପହଞ୍ଚିଥିଲେ। ତା’ପରେ ୧୭ ହଜାର ଫୁଟ୍ ଉଚ୍ଚ ଏଭରେଷ୍ଟ ଆରୋହଣ କରିଥିଲେ। ଫଟୋ ଉଠାଇବା ପାଇଁ ସେମାନେ ନିଜ ସହିତ ଆଡ୍ଭେଞ୍ଚର ୱେଡିଙ୍ଗ୍ ଫଟୋଗ୍ରାଫର ଚାର୍ଲଟୋନ୍ ଚର୍ଚ୍ଚିଲଙ୍କୁ ନେଇ ଯାଇଥିଲେ। ଫଟୋଗ୍ରାଫର ସେମାନଙ୍କର ଅନେକ ଫଟୋ ଉଠାଇଛନ୍ତି। ନିକଟରେ ଏହି ଦମ୍ପତି ସେମାନଙ୍କର ଉକ୍ତ ଫଟୋଗୁଡ଼ିକୁ ସୋସିଆଲ୍ ମିଡିଆରେ ସେୟାର କରିଛନ୍ତି।
ସୌଜନ୍ୟ- ଦୈନିକ ଭାସ୍କର
ଫଟୋ-ଦୈନିକ ଭାସ୍କର